უკრაინელი ვლადიმერ კლიჩკო მეორე ადგილზე გავიდა იმ მოკრივეებს შორის, რომლებიც ყველაზე დიდხანს ფლობდნენ მსოფლიოს ჩემპიონის ტიტულს სუპერმძიმე წონაში. ორი დღის წინ, უმცროსმა კლიჩკომ მეორე ადგილი წაართვა ამერიკელ ლარი ჰოლმსს, რომელიც საჩემპიონო ქამარს შვიდი წელი, სამი თვე და 12 დღე ფლობდა. ეს ინფორმაცია ძმები კლიჩკოების "ფეისბუქის" გვერდზე გავრცელდა.საჩემპიონო ტიტულის ფლობის მხრივ, რეკორდსმენობას ინარჩუნებს ამერიკელი ჯო ლუისი. ის სუპერმძიმე წონაში უძლიერესი მოკრივე 1937-49 წლებში იყო - 11 წელი, რვა თვე და რვა დღე.
დღეისთვის, ვლადიმერ კლიჩკო სამი ვერსიით არის მსოფლიოს ჩემპიონი.
თავის მომდევნო ბრძოლას უმცროსი კლიჩკო 2013 წლის 5 ოქტომბერს გამართავს. მისი მეტოქე იქნება რუსი ალექსანდრ პოვეტკინი.
ლარი ჰოლმსი 1978-83 წლებში მსოფლიოს ჩემპიონი იყო WBC-ის (მსოფლიოს საკრივო საბჭო) ვერსიით, 1984-85 წლებში კი IBF-ის ტიტულს ფლობდა. ჰოლმსმა 20-ჯერ წარმატებით დაიცვა საჩემპიონო ქამარი.
ყოველდღიური სპორტული გაზეთი "ლელო"
ასევე იხილეთ:
მალე დიდი კრივის თარიღი დასახელდება
