უცნაური განცხადება გააკეთა ლეგენდარულმა და სკანდალურმა პრომოუტერმა დონ კინგმა. ის საკრივო სამყაროს დაჰპირდა რინგზე ამერიკელი მაიკ ტაისონის დაბრუნებას. ეს იმ შემთხვევაში მოხდება, თუ კანადელი ბერმეინ სტივერნი სუპერმძიმე წონაში WBC-ის ტიტულს დაიცავს ამერიკელ დეონტეი უაილდერთან ბრძოლაში. ამის შესახებ ვებგვერდი Boxingscene-ი წერს."თუ ბერმეინი გაიმარჯვებს, შევეცდებით, დავაბრუნოთ ტაისონი რინგზე და მათ შორის ბრძოლა მოვაწყოთ. მომავალ შეხვედრას ასეთი სლოგანი ექნება: "დაბრუნება დიდებისკენ". სუპერმძიმე წონითი კატეგორია ისევ ყურადღების ცენტრში მოექცევა. ეს უნდა გახდეს ერთ-ერთი უმნიშვნელოვანესი ბრძოლა ბოლო რამდენიმე წლის განმავლობაში", - განაცხადა კინგმა, რომელიც
სტივერნსა და უაილდერს შორის ბრძოლა 17 იანვარს, ლას ვეგასში შედგება.
"რკინის მაიკმა", რომელიც ახლა 48 წლისაა, საკრივო კარიერა 2005 წელს დაასრულა. მან პროფესიულ რინგზე 58 ბრძოლა ჩაატარა და 50 მოიგო (44 - ნოკაუტით). ტაისონი კრივის ისტორიაში ყველაზე ახალგაზრდა აბსოლუტური ჩემპიონია სუპერმძიმე წონით კატეგორიაში.
ყოველდღიური სპორტული გაზეთი "ლელო"
![ყოფილმა "იუთუბერმა" ჯეიკ პოლმა ლეგენდარული მაიკ ტაისონი დაამარცხა [VIDEO]](/pictures/image7/459a82029ac672457b429184fc4beead.jpg "ყოფილმა \"იუთუბერმა\" ჯეიკ პოლმა ლეგენდარული მაიკ ტაისონი დაამარცხა [VIDEO]")
