25 თებერვალს 25 წლის ლევან ღვამიჩავამ (63,5 კგ) შოტლანდიურ ვიშოუში სარეიტინგო ბრძოლა გამართა. ჩვენებურმა ორ რაუნდში ნოკაუტით დაამარცხა წონაში უნგრელთა პირველი ნომერი ლასლო კომჟატი. ოლიმპიადის მონაწილე, რომელიც ამჟამად ირლანდიაში, ქალაქ კორკში ვარჯიშობს, პროფესიულ რინგზე თავს ორივე შეხვედრის ნოკაუტით მოგებით იწონებს, ის ხომ ახალი გადასულია სამოყვარულო კრივიდან პროფესიულში. ღვამიჩავა 19 მარტს დუბლინში იკრივებს, მისი მეტოქე ჯერ უცნობია.
მანამდე, 18 თებერვალს სლოვენიის დედაქალაქ ლუბლიანაში ორმა ჩვენებურმა იასპარეზა. მათგან ერთი, სანდრო სიფროშვილი ქვემძიმეწონაში მსოფლიოს ინტერნაციონალური ქამრისთვის (მსოფლიო კრივის ფედერაციის ვერსიით, WBF) იბრძოდა, მაგრამ
