ორი ქართველი სპორტსმენით იყო წარდგენილი ჩვენი ქვეყანა ბარსელონაში ახალგაზრდების მსოფლიოს ჩემპიონატზე. სამმხტომელი ლაშა ღულელაური საკვალიფიკაციო ეტაპზე 15,75 მეტრით ფინალში მოხვდა. იქ კი მეორე ცდაზე 16 მეტრზე გადახტა და მე-6 ადგილი დაიკავა. პირველ-მესამე ადგილები კუბელმა პედრო რიკარდომ (16,79), რუსმა არტიომ პრიმაკმა (16,60) და ბანგლადეშელმა ლატარიო კოლი-მინსმა დაიკავეს.
თათია პაიკიძეც სამხტომში სცდიდა ძალებს. კვალიფიკაციაში მას საკმაოდ მოკრძალებული შედეგი ჰქონდა - 11.46 მეტრი, რითაც, ცხადია, ფინალში ვერ მოხვდა. კვარცხლბეკზე ანა პელეტეირო (ესპანეთი, 14,17), დოვილე ძინძალეტაიტე (ლიტვა, 14,17) და ლუბა ზალდივარი (კუბა, 13,90) ავიდნენ.
ყოველდღიური სპორტული გაზეთი "ლელო"
