სამხრეთაფრიკელი პარალიმპიელი ოსკარ პისტორიუსი, რომელიც დადანაშაულებულია ყოფილი შეყვარებულის რივა სტენკამპის განზრახ მკვლელობაში, არ დაბრუნდება საპყრობილეში განაჩენის გამოტანამდე, - წერს სააგენტო "როიტერი". სასამართლო დათანხმდა 700 დოლარი გირაოს სანაცვლოდ მის გაშვებას. ასე რომ, ამპუტანტი მორბენალი ისევ შინაპატიმრობაში რჩება.
მას ერთი პრივილეგია აქვს - შეუძლია დილის შვიდი საათიდან შუადღემდე დატოვოს სახლი 20 კილომეტრის რადიუსში. სპორტსმენს ელექტრონული მონიტორინგის სისტემა ექნება მიმაგრებული.
უფრო ადრე ცნობილი გახდა, რომ პისტორიუსი აპირებს ახალი ბრალდების გასაჩივრებას საკონსტიტუციო სასამართლოში. შეგახსენებთ, რომ ამ დღეებში, სამხრეთ აფრიკის სააპელაციო სასამართლომ გააუქმა წინა გადაწყვეტილება
სამხრეთ აფრიკაში ასეთი დანაშაულისთვის მინიმუმ 15-წლიანი პატიმრობაა გათვალისწინებული.
ყოველდღიური სპორტული გაზეთი "ლელო"
