25 მაისს მიუნხენში მსოფლიოს თასის გათამაშება იწყება ტყვიის სროლაში, რომელშიც საქართველოდან მონაწილეობას მხოლოდ ორი სპორტსმენი მიიღებს - ევროპის, მსოფლიოსა და ოლიმპიური ჩემპიონი ნინო სალუქვაძე და ლევან ქადაგიძე. ისინი ტურნირში ზეგ ჩაებმებიან - 26 მაისს, როცა სპორტული პისტოლეტიდან ისვრიან. პნევმატურში ქადაგიძე 28 მაისს იასპარეზებს, სალუქვაძე კი ამ ტიპის იარაღით შეჯიბრების ბოლო დღეს, 29-ში გამოვა.
ეს ამ რანგის მესამე ტურნირია მიმდინარე სეზონში, თუმცა ჩვენებისთვის მეორეა, რადგან გამოტოვეს 4-13 მაისს ამერიკულ ფორტ ბენინგში გამართული შეჯიბრება.
მიზეზი არახელსაყრელი კალენდარია - პირველი ასეთი ეტაპი აპრილის
ამიტომ ამერიკული ტურნირი გამოტოვეს. გერმანიის გარდა, ჩვენები 3-12 ივლისს გრანადაშიც გამოვლენ, რასაც ივლის-აგვისტოს მიჯნაზე ხორვატულ ოსიეკში ევროპის ჩემპიონატი მოჰყვება სპორტული პისტოლეტიდან სროლაში.
უფროსების პარალელურად, ტურნირებში ახალგაზრდებიც იასპარეზებენ. ერთ-ერთი პირველი მათგანი 3-10 ივნისს გერმანულ ზულში გასამართი ტრადიციულად დიდი საერთაშორისო შეჯიბრება იქნება.
იქ საქართველოს ეროვნული ოლიმპიური კომიტეტის დაფინანსებით ორი ჩვენებური გამოვა - ლიზი კილაძე და ნინო სალუქვაძის შვილი ცოტნე მაჭავარიანი, რომელიც მამის კვალსაც მისდევს და ტყვიის სროლის გარდა, რაგბიშიც ვარჯიშობს, საბოლოო არჩევანი კი ჯერჯერობით არ გაუკეთებია.
ყოველდღიური სპორტული გაზეთი "ლელო"
