ქართველი ქალები ვერცხლის მედლებს დასჯერდნენ სლოვენიურ კოპერში დასრულებულ მშვილდოსანთა ევროპის ზამთრის ჩემპიონატში - პირადი პირველობის ფინალში ხათუნა ნარიმანიძეც დამარცხდა გერმანელ ვერონიკა ჰაიდნი-ჩკალოვასთან (2:6) და ნაკრებმაც წააგო გუნდურის ფინალი ისევ და ისევ გერმანელებთან - 2:6.ამის მიუხედავად, ეს ტურნირი მაინც წარმატებულია ჩვენი ნაკრებისთვის, რადგან უმედლოდ არ დარჩნენ. შეგახსენებთ, რომ ამ რანგის შეჯიბრება 18-მეტრიან დისტანციაზე იმართება და მასში ქართველ ქალთა შედეგიანი გამოსვლა ახალი არაა - ერთხელ ევროპის ჩემპიონებიც გახდნენ, უმედლოდ კი იშვიათად დარჩენილან.
თუმცა წლევანდელი ტურნირი მაინც გამორჩეულია, რადგან პირად პირველობაში პირველად
ახლა ჩვენებისთვის მთავარი შეჯიბრება ზუსტად ერთ თვეში, 24-28 მარტს ბერძნულ მარათონში გასამართავი ევროპის "დიდი პრიზია", სადაც ევროპული თამაშების ლიცენზიებიც გაიცემა.
შეგახსენებთ, რომ ამ პირველ თამაშებს ივნისში ბაქო უმასპინძლებს, სადაც გამოსვლის უფლება უკვე მოპოვებული აქვს ქალთა ნაკრებს, ვაჟებიდან კი - მხოლოდ ლაშა ფხაკაძეს.
