ლონდონის ოლიმპიადაზე გამოსვლა დაამთავრეს ნიჩბოსნური სლალომის წარმომადგენლებმა და სწორედ 2 აგვისტოს დასრულდა ორადგილიან კანოეში სლოვაკი ტყუპი ძმების - პავოლ და პეტერ ჰოშორნერების ბატონობა. ეს ბრწყინვალე სპორტსმენები ზედიზედ ხდებოდნენ სიდნეის, ათენისა და პეკინის თამაშების ჩემპიონები და ლონდონში მეოთხე ოქროს აღების იმედი ჰქონდათ, მაგრამ ბრიტანელებთან წააგეს არა მარტო პირველი, არამედ მეორე ადგილისთვის ბრძოლა.
ჩემპიონები ეტიენ სტოტი და ტიმ ბელი გახდნენ. ფინალში ისინი პირველები გამოდიოდნენ და მათი დრო სხვებისთვის ორიენტირი გახდა.
მასპინძლებმა ტრასა უშეცდომოდ გაი
ფინალის დანარჩენმა მონაწილეებმა კი საჯარიმო წამები თავიდან ვერ აიცილეს. ორწამიანი ჯარიმა მიიღო ჰოშორნერების გუნდმაც და როგორც შემდეგ გაირკვა, ეს შეცდომა რომ არა, ისინი ოთხგზის ოლიმპიური ჩემპიონები გახდებოდნენ.
* * *
გუშინვე ქალები ერთადგილიანი ბაიდარებით დაშვებაში არკვევდნენ უძლიერესს. შესანიშნავად გამოვიდა ლონდონში საფრანგეთის ნაკრები - მან 2 აგვისტოს სპორტის ამ სახეობაში მეორე ოქროს მედალი მოიგო. ემილი ფერმა საკმაოდ კომფორტული უპირატესობით მოიგო პირველობა.
მეორეზე გავიდა ავსტრალიელი ჯესიკა ფოქსი, რომელიც მამამისის, ბრიტანეთში დაბადებული რიჩარდ ფოქსის საქმეს აგრძელებს. ეს უკანასკნელი, თავის დროზე, ხუთჯერ იყო მსოფლიოს ჩემპიონი.
კაცები
ორადგილიანი კანოე
ფინალი
1. ტ. ბელი/ე. სტოტი (ბრიტ) 106.41
2. დ. ფლორენსი/რ. ჰოუნსლოუ (ბრიტ) +0.36
3. პავ. ჰოშორნერი/პეტ. ჰოშორნერი (სლოვა) +1.87
4. გ. კლაუსი/მ. პეში (საფ) +2.76
5. პ. შჩეპანსკი/მ. პოხვალა (პოლ) +4.10
6. მინგაი ჰუ/იურონ შუ (ჩინ) +6.44
ქალები
ერთადგილიანი ბაიდარა (კვალ)
ფინალი
1. ემილი ფერი (საფ) 105.90
2. ჯესიკა ფოქსი (ავსტრა) +0.61
3. მაიალენ შურო (საფ) +0.97
4. შტეპანკა ჰილგერტოვა (ჩეხ) +3.26
5. ჯასმინ შორნბერგი (გერ) +5.07
6. იანა დუკატოვა (სლოვაკ) +5.70
ყოველდღიური სპორტული გაზეთი "ლელო"
