გუშინ ბირმინგემში დამთავრდა ბატუტზე მხტომელთა მსოფლიოს ჩემპიონატი. შეჯიბრების ბოლო ოთხი დღე ახალგაზრდა სპორტსმენებს დაეთმო. უკვე გაუწყეთ, რომ 17-18-წლიანთა სინქრონულ ხტომებში ნანა გოგაშვილმა და თამარ კაკაშვილმა ვერცხლის მედალი მოიპოვეს.
სხვა ასაკში ქართველი ათლეტები ახლოს იყვნენ ბრინჯაოს მედალთანაც, თანაც ორჯერ: 13-14 წლიანებში 2010 წლის მსოფლიოს ჩემპიონი ანა ოდიშვილი ფინალში პირველი შედეგით შევიდა.
იქ კი შესაძლებლობები ბოლომდე ვერ გამოავლინა და მე-4 ადგილს დასჯერდა, თანაც მე-3 ადგილზე გასულ იაპონელ იუკი ნაკამურას 0.195 ქულით ჩამორჩა. ანას სინქრონულ ხტომებში თეონა ჯანჯღავასთან ერთად შეეძლო ბრინჯაოსთვის გამოეკრა ხელი,
ყოველდღიური სპორტული გაზეთი "ლელო"
