თამარ გელაშვილმა 2014 და 2015 წლებში ქართველ ქალ მორბენალებს შორის მსოფლიო რბენაზე ყველაზე კარგი რეზულტატი აჩვენა. როგორც გახსოვთ, პირველი სამი ადგილი ორივეჯერ უცხოელმა ქალბატონებმა დაიკავეს.
Wings for Life მსოფლიო რბენის კეთილი ნების ელჩი გვიამბობს თავის გეგმებზე და რჩევებს აძლევს შორ დისტანციაზე გარბენში მონაწილეების მსურველებს.
- თამია, წელს უკვე მესამედ მიიღებ მონაწილეობას მსოფლიო რბენაში. რა გამოცდილება მიიღე 2014 და 2015 წლებში?
- ჩემი სპორტული კარიერის ათვლა 2014 წლის მსოფლიო რბენიდან იწყება. ამის მერე დავიწყე ინტენსიური ვარჯიში და შედეგების გაუმჯობესება. ბევრ შეჯიბრებაში
- 8 მაისამდე აპირებ კიდევ რომელიმე გარბენში მონაწილეობის მიღებას?
- 20 მარტს მივემგზავრები პორტუგალიაში. ქალაქ ლისაბონში ტარდება ერთ-ერთი ყველაზე მასშტაბური ნახევარმარათონი -ლისაბონის ნახევარმარათონი, სადაც დაახლოებით 35 000-მდე მონაწილე იღებს მონაწილეობას. 2 წლის წინ ვერც კი წარმოვიდგენდი, თუ ასეთი ღონისძიების მონაწილე გავხდებოდი.
- როდესაც ასეთი დატვირთვა აქვს ორგანიზმს, ალბათ, არსებობს წესები, რომლებიც უნდა დაიცვა...
- ჩემთვის ძალიან მნიშვნელოვანია სწრაფი აღდგენა და დასვენება. ვცდილობ, არ მივიყვანო ორგანიზმი გადაღლამდე და გამოფიტვამდე. აუცილებლად ინტენსიური კვირის მერე ერთი დღე ვისვენებ. სწორი კვება, ძილი და მასაჟი მალე მაბრუნებს ვარჯიშებზე.
- რას ურჩევდი მათ, ვინც გადაწყვიტა, გრძელ დისტანციაზე ირბინოს? მოსამზადებელ პერიოდში და თვითონ რბენის დროს როგორ უნდა მოიქცნენ? - მომზადების პერიოდი ყველაზე სასიამოვნოა. დაისახეთ მიზანი. დაიწყეთ მომზადება შეჯიბრებამდე 10-12 კვირით ადრე. დაიწყეთ მოკლე დისტანციით და ყოველ კვირა გაზარდეთ კილომეტრაჟი.
შეჯიბრების დღეს გირჩევთ არ დაიწყოთ რბენა სწრაფ ტემპში. ნელ-ნელა მოუმატეთ ტემპს და თქვენთვის სასიამოვნო ტემპში გააგრძელეთ რბენა.
იგრძენით კომფორტი სირბილის დროს. თქვენ წინ კიდევ ბევრი კილომეტრი გაქვთ დასაფარი.
- როგორ ფიქრობ, 2014 წლის შემდეგ სირბილი უფრო პოპულარული გახდა? ზოგადად, ჯანსაღი ცხოვრების მიმდევრების რაოდენობა გაიზარდა?
- ჩემთვის სასიამოვნო იყო, როდესაც 2015 წელს მსოფლიო რბენაში მონაწილეობის სურვილი კიდევ უფრო ბევრმა ადამიანმა გამოხატა, ვიდრე გასულ წელს. აღსანიშნავია ის ფაქტიც, რომ სავარჯიშო დარბაზებში იმატა ადამიანების რაოდენობამ. ჩემ გარშემო ბევრი მეგობარია, ვინც ჯანსაღი ცხოვრების სტილი აირჩია და დაიწო ვარჯიში, დილით დარბის ან ცურავს.
- შენ ორივეჯერ აჩვენე ყველაზე მაღალი რეზულტატი ქართველ ქალბატონებს შორის. შენი წლევანდელი მიზანი რამდენი კილომეტრის გადალახვა არის?
- 30 კმ. რთული იქნება, მაგრამ ვეცდები, მივაღწიო მიზანს.
წარმატებებს გისურვებთ 8 მაისს. ძალიან გვინდა, რომ ქალ მორბენალებში გამარჯვებული საქართველოდან იყოს. ეს უდიდესი სტიმული იქნება გოგონებისთვის, რომ ვარჯიში დაიწყონ და დიდი სიხარული ყველასთვის, ვინც რბენას ადევნებს თვალყურს.
თამარ გელაშვილი
31 წლის
თბილისი მარათონის (10 კმ) და ყაზბეგი მარათონის (8 კმ) გამარჯვებული.
პერსონალური რეკორდები - დაწყებიდან ერთი წლის შემდეგ:
3 კმ - 12:15 წთ.
10 კმ - 47:00 წთ.
ნახევარმარათონი (21 კმ.) 1:39 წთ.
