ჩვენებურთაგან ყველაზე უკეთ გივი შენგელია გამოვიდა - 117 ქულა და 45-ე ადგილი. ქართული ტრიოდან პირველი დღის ლიდერმა დავით ქვათაძემ ამჯერად შედეგები გააურესა, 115 ქულას მოუყარა თავი და 70-ზე გადაინაცვლა. თავის მხრივ, მასაც ორი ქულით ჩამორჩა პავლე ლაკია - 113 ქულა და 87-ე ადგილი.
გუნდურ ჩათვლაში ჩვენი ნაკრები პირველ დღესაც 20-ე
კიდევ ერთხელ შეგახსენებთ, რომ ეს საიუბილეო ჩემპიონატი ჩვენთვის ლამის სამგლოვიარო გამოდგა, იმდენად ცუდად გამოვედით. იქ არათუ მედალი, ლონდონის ოლიმპიადის ლიცენზიაც ვერ მოვიპოვეთ და ახლა საამისოდ მსოფლიოს თასებზე უნდა ვიბრძოლოთ.
ამ ტურნირით ჩვენთვის წლევანდელი სეზონიც ლამის დამთავრდა. წინ მხოლოდ მსოფლიოს სუპერთასია ტყვიის სროლაში, რომელიც 24-29 ოქტომბერს ისევ მიუნხენში გაიმართება. იქ ჩვენებურთაგან მხოლოდ ევროპის, მსოფლიოსა და ოლიმპიური ჩემპიონი ნინო სალუქვაძე იასპარეზებს.
