გუშინ მხოლოდ ბიჭების ასპარეზობა იყო დარჩენილი, რადგან დანარჩენ სახეობებში გამარჯვებულები წინა დღეებში გამოვლინდნენ. ისევე, როგორც გოგოებში, ამ ასაკის ვაჟებშიც ქუთაისელმა სპორტსმენმა დავით სულაქველიძემ იმარჯვა, დანარჩენი მედლები კი თბილისელებმა მოიპოვეს. ვერცხლი ჩვენი სახელოვანი მესტენდურის, მსოფლიოს ჩემპიონ თამაზ იმნაიშვილის ვაჟმა თენგიზ იმნაიშვილმა ირგუნა, ბრინჯაო - ომარ სანოძემ.
შეგახსენებთ, რომ გოგოებში ქუთაისელმა ნინო
ახლა ჩვენების უახლოესი სამიზნე მიუნხენის საერთაშორისო ტურნირია, რომელიც 25-30 იანვარს გაიმართება. ისიც მხოლოდ პნევმატური იარღიდან სროლაში ჩატარდება, რადგან ამავე დისციპლინაში მარტში გასამართი ევროპის პირველობისთვის მომზადებას ისახავს მიზნად. იქ საკმაოდ მოზრდილი, ქართული ტყვიის სროლის რეალობისთვის უჩვეულოდ დიდი გუნდის გაგზავნა იგეგმება, მაგრამ ჯერ ფედერაციის ბიუჯეტი არაა დამტკიცებული და რამდენ კაცს დააფინანსებენ, ამ ეტაპზე არაა ცნობილი. ფედერაციას იქ სალუქვაძესთან ერთად, ახალგაზრდების გაგზავნაც სურს. ამ ეტაპზე გუნდის წინასწარ განაცხადში სალუქვაძე, ქადაგიძე, სულაქველიძე, იმნაიშვილი, ფანჩულიძე, თეონა იაშვილი, ანა გაგილაძე და ნია ხაჩიძე შედიან.
ფედერაციის სურვილი გასაგებია - რაც შეიძლება მეტი ახალგაზრდა გამოსცადოს, თუმცა ისეთებს არჩევს, რომლებიც დამაიმედებელ შედეგებს აჩვენებენ. მაგალითად, ფანჩულიძემ ამ ტურნირზე 370 ქულა დაიმსახურა, მისი საუკეთესო შედეგი კი 374-ია. ეს ისეთი მაჩვენებელია, მსოფლიოს თასებზე ან ასეთ დიდ ტურნირებზეც კი ფინალში შესვლაზე ფიქრის საშუალებას რომ გაძლევს.
ამავე ტურნირზე გაგილაძემ და იაშვილმა 366-366 ქულა დააგროვეს. ამ შედეგით ფინალზე და წარმატებაზე ლაპარაკი არ შეიძლება, მაგრამ ისინი ახალგაზრდები არიან. ასაკით ხაჩიძეც პატარაა, თუმცა ურიგოდ არ ისვრის. რაც მთავარია, შედეგების მოსამატებლად აუცილებლად სჭირდებათ ხშირი საშეჯიბრო პრაქტიკა. ბოლოს და ბოლოს, უფროსთა ტურნირებში თუ არა, ახალგაზრდებში მაინც გამოვლენ წარმატებით. ბოლოს, შეგახსენებთ, რომ ფანჩულიძემ შარშან თავისი ზემოაღნიშნული რეკორდიც იმავე შეჯიბრებაში დაამყარა მიუნხენში. მაშინ ისეთ კარგ შედეგს (ამდენს ხშირად ჩვენი ეროვნული ნაკრების წევრები ვერ აგროვებენ), არც მისგან ელოდნენ, მაგრამ იმის შემდეგ სტაბილურად დამკვიდრდა 370-იან ზონაში. ახლა მას პროგრესისთვის, რაც შეიძლება მეტ ტურნირში გამოსვლა სჭირდება.
