საერთაშორისო ოლიმპიური კომიტეტი გამოძიების ჩატარებას აპირებს სამოყვარულო კრივის საერთაშორისო ასოციაციის (AIBA) წინააღმდეგ. ეს ორგანიზაცია ეჭვმიტანილია აზერბაიჯანის მხრიდან რამდენიმე მილიონი დოლარის მიღებაში. ამ თანხის სანაცვლოდ AIBA-ს ლონდონის ოლიმპიადის ორი ოქროს მედალი უნდა გაეხერხებინა აზერბაიჯანელებისთვის. ამ სკანდალურ ინფორმაციას სააგენტო "როიტერი" ავრცელებს.
სპორტული ჩინოვნიკების მოსყიდვის ფაქტი BBC-ის რეპორტიორებმა ჟურნალისტური გამოძიების დროს ამოქექეს. ბრიტანული ტელეკომპანიის მონაცემებით, აზერბაიჯანელმა ინვესტორმა თანხა მსოფლიოს საკრივო სერიას (WSB) გადაურიცხა, რომლის ტურნირებიც AIBA-ს ეგიდით იმართება.
სამოყვარულო კრივის ასოციაციამ დაადასტურა, რომ რომელიღაც აზერბაიჯანელმა ფინანსური დახმარება გაუწია სამოყვარულო საკრივო ორგანიზაციას - მან
BBC-ის ინფორმაციით, AIBA-ს აღნიშნული თანხა აზერბაიჯანის საგანგებო სიტუაციათა სამინისტროს ხელმძღვანელმა კამალადინ ჰეიდაროვმა გადაურიცხა.
ყოველდღიური სპორტული გაზეთი "ლელო"
