თბილისის 2015 წლის ახალგაზრდული ოლიმპიური ფესტივალისთვის ლოგოს შესარჩევი კონკურსი დასრულდა. ლოგოს და სლოგანის შესაქმნელად კონკურსი ორი თვის განმავლობაში 27 დეკემბრიდან 27 თებერვლამდე მიმდინარეობდა. მასში მონაწილეობა 200-ამდე კონკურსანტმა მიიღო, რომელთაგანაც ჟიურიმ დღეს ერთი საუკეთესო გამოარჩია.
საუკეთესო ლოგოს ავტორს, ია დარახველიძეს ოლიმპიური ფესტივალის ორგანიზატორებმა საჩუქრად ლონდონის ოლიმპიური თამაშების ორი საგზური გადასცეს.
დღესვე დაჯილდოვდა კონკურსანტი, რომლის ნამუშევარმაც Facebook-ზე ყველაზე მეტი მოწონება დაიმსახურა.
სოციალური ქსელის მომხმარებლების რჩეული ლოგოს ავტორს, ია მოსაშვილს, საჩუქრად საქართველოს ოლიმპიური ნაკრების სრული ეკიპირება გადაეცა.
"თბილისი 2015"-ის საორგანიზაციო კომიტეტის წევრების განცხადებით,
ლოგოს და სლოგანის საბოლოო ვერსია საზოგადოებისთვის, სავარაუდოდ, აპრილის ბოლოსთვის გახდება ცნობილი.
"ინტერპრესნიუსი"
