ბრიტანეთის თავდაცვის სამინისტრო ლონდონის ოლიმპიადის მსვლელობისას სახლების სახურავებზე "მიწა-ჰაერის" კლასის საზენიტო რაკეტების განთავსებას აპირებს. ამავე სახურავებზე მუდმივად ჯარისკაცები იმორიგევებენ. ასე მაგალითად, ერთ-ერთი შენობის მცხოვრებლებმა მიიღეს შეტყობინება იმის შესახებ, რომ მათი სახლის სახურავზე რაკეტას დაამონტაჟებენ. გარდა ამისა, თავდაცვის სამინისტრომ გააფრთხილა მოსახლეობა, რომ უახლოეს პერიოდში ოლიმპიურ პარკთან ახლოს სასწავლო წვრთნა ჩატარდება.
ადრე დიდი ბრიტანეთის მთავრობამ გამოაცხადა, რომ თამაშებზე უსაფრთხოების უზრუნველყოფისთვის 13 500 სამხედრო მოსამსახურეს გამოიყვანენ. ამ რიცხვში არ შედიან პოლიციელები და დაცვის სხვადასხვა სამსახურის წარმომადგენლები.
* * *
ბრიტანელ სპორტსმენებს - დუეინ
ამის შესახებ ცნობილი გახდა მას შემდეგ, რაც სპორტულმა საარბიტრაჟო სასამართლომ დააკმაყოფილა მძლეოსნისა და ველომრბოლის თხოვნა და გააუქმა ბრიტანეთის ეროვნული ოლიმპიური კომიტეტის მიერ შემოღებული წესი, რომლის მიხედვითაც, ერთხელ დოპინგის მიღებაში გამოჭერილ სპორტსმენს არ აქვს ოლიმპიადაზე გამოსვლის უფლება.
სპორტულმა საარბიტრაჟო სასამართლომ თავისი გადაწყვეტილება იმით ახსნა, რომ ბრიტანელების წესი არ შეესაბამება მსოფლიოს ანტისადოპინგო სააგენტოს კოდექსს.
* * *
ამასობაში გაირკვა, რომ ოლიმპიადის გახსნის დღეს, 27 ივლისს, ოლიმპიურ სტადიონზე გასამართ კონცერტში ოთხი ჯგუფი მიიღებს მონაწილეობას - ისინი გაერთიანებული სამეფოს ოთხ ნაწილს წარმოადგენენ: Duran Duran ინგლისს, Stereophonics - უელსს, პაოლო ნუტინი - შოტლანდიას და Snow Patrol - ჩრდილოეთ ირლანდიას.
ადრე აცხადებდნენ, რომ ოლიმპიადის გახსნის დღეს ორი ლეგენდარული შემსრულებელი - პოლ მაკარტნი და მიკ ჯაგერი იმღერებდა.
მეორე ოლიმპიური კონცერტი კი თამაშების დახურვას მიეძღვნება - ის ჰაიდ-პარკზე 12 აგვისტოს ჩატარდება და პუბლიკის წინაშე წარდგებიან შემდეგი ჯგუფები - Blur, New Order და The Specials.
ყოველდღიური სპორტული გაზეთი "ლელო"
