ოლიმპიადის გახსნამდე ერთი დღით ადრე, ცნობილმა ფრანგულმა სპორტულმა გაზეთმა "ეკიპმა" თავისი მკითხველების გახარება და გაოცება გადაწყვიტა - ბოლო ნომერი არაჩვეულებრივად დიდი ზომისა იყო. თითო ეგზემპლიარი სიგანეში 56, სიგრძეში კი 80 სანტიმეტრი იყო. "ეკიპის" ჩვეულებრივი ეგზემპლიარი ორჯერ ნაკლები ზომისაა. შესაბამისად, გიგანტური ზომების წყალობით, ეს გაზეთი ყველაზე დიდია სპორტული პრესის ისტორიაში, რის გამოც ის გინესის რეკორდების წიგნში შევა.სარეკორდო ნომერშია მასალები უსაინ ბოლტზე, კარლ ლუისზე, მაიკლ ფელპსზე, კობი ბრაიანტზე... აქვეა ინტერვიუ ზინედინ ზიდანთან. ბოლო გვერდზე დაბეჭდილია ფრანგი ძიუდოისტის რინერის პოსტერი ერთი ერთზე
"თუ თქვენ ახლა მეტროში. მატარებელში ან თვითმფრინავში ხართ, ბოდიში მოუხადეთ თქვენს მეზობლებს", - აფრთხილებს გამოცემა მკითხველს პირველ გვერდზე.
სარეკორდო ნომერი 400 ათასი ტირაჟით გამოვიდა, ფასი კი ჩვეულებრივი იყო - 1 ევრო.
ყოველდღიური სპორტული გაზეთი "ლელო"
