თავისუფალ ჭიდაობაში ატლანტას 1996 წლის ოლიმპიურმა ჩემპიონმა, ბულგარელმა ვალენტინ იორდანოვმა საერთაშორისო ოლიმპიური კომიტეტისთვის თავისი ოქროს მედლის დაბრუნება გადაწყვიტა. იორდანოვმა, რომელიც ბულგარეთის ჭიდაობის ფედერაციის პრეზიდენტია, ამ ხერხით გამოხატა პროტესტი ოლიმპიური პროგრამიდან ჭიდაობის ამოღების გამო.
სოფიაში გამართულ პრესკონფერენციაზე 53 წლის იორდანოვმა განაცხადა, რომ პირადად დაუბრუნებს მედალს საერთაშორისო ოლიმპიური კომიტეტის პრეზიდენტს ჟაკ როგეს.
იორდანოვს მხარი დაუჭირეს ბერძნულ-რომაულ ჭიდაობაში ორგზის ოლიმპიურმა ჩემპიონმა არმენ ნაზარიანმა და სერაფიმ ბარზაკოვმა, რომელმაც 2000 წელს მოიგო ვერცხლის მედალი. ისინი მზად არიან, სოკ-ის გადაწყვეტილება შიმშილობით გააპროტესტონ.
შეგახსენებთ, რომ 2020 წლის
ამ საკითხთან დაკავშირებით საბოლოო გადაწყვეტილებას 2013 წლის სექტემბერში, ბუენოს აირესში მიიღებენ, სადაც გაიმართება საერთაშორისო ოლიმპიური კომიტეტის სესია.
ყოველდღიური სპორტული გაზეთი "ლელო"
ასევე იხილეთ:
საქართველო ზარალდება - 2020 წლის ოლიმპიადაზე ჭიდაობა, ალბათ, არ იქნება!
