ბაქოს I ევროპული თამაშები 12 ივნისს გაიხსნა საზეიმოდ და პირველი ქართული მედალი მხოლოდ 17 ივნისს მოვიპოვეთ, ეს ჩვენმა მშვილდოსნებმა შეძლეს შერეულ წყვილში. ლაშა ფხაკაძისა და ხათუნა ნარიმანიძის დუეტმა რუმინეთის, ესპანეთისა და სლოვენიის დამარცხებით ფინალში გააღწია, სადაც იტალიას დაუპირისპირდა.
სამწუხაროდ, ფინალში იტალიელებმა იმარჯვეს 5:3 და ქართული წყვილი ვერცხლის მედალს დასჯერდა.
