კანადელი იურისტი, სპორტული საარბიტრაჟო სასამართლოს წევრი, პროფესორი რიჩარდ მაკლარენი დაინიშნა მსოფლიოს ანტისადოპინგო სააგენტოს კომისიის დამოუკიდებელ თავმჯდომარედ. ამ კომისიამ უნდა გამოიძიოს 2014 წლის სოჭის ოლიმპიადაზე დოპინგ-მაქინაციების ბრალდებები. ამის შესახებ იტყობინება სააგენტოს ოფიციალური ვებგვერდი.მაკლარენის კომისია გამოიძიებს ინფორმაციას, რომელიც "ნიუ იორკ თაიმსის" სტატიაში იყო მოყვანილი. მასში მოსკოვის ანტისადოპინგო ლაბორატორიის ყოფილი შეფი გრიგორი როდჩენკოვი ყვება სოჭის ოლიმპიადაზე დოპინგ-მაქინაციების შესახებ. გამოძიება აგრეთვე შეეხება ცნობებს CBS-ზე გაშვებული სიუჟეტიდან, სადაც რუსეთის ანტისადოპინგო სააგენტოს ყოფილი თანამშრომელი ვიტალი სტეპანოვი რუსულ სპორტში არსებულ დოპინგზე ლაპარაკობს.
რიჩარდ მაკლარენი იყო ერთ-ერთი
მაკლარენის კომისიაში შევლენ სხვადასხვა პროფილის ექსპერტები, მათ შორის, დამოუკიდებელი მეცნიერები, აგრეთვე მონრეალის ანტისადოპინგო ლაბორატორიის დირექტორი კრისტიან აიოტე.
ყოველდღიური სპორტული გაზეთი "ლელო"
