9 აგვისტოს, რიო დე ჟანეიროში მიმდინარე ზაფხულის XXXI ოლიმპიურ თამაშებზე, ძიუდოს ტურნირში, 81 კგ-მდე წონით კატეგორიაში წარმატებით ასპარეზობს ავთანდილ ჭრიკიშვილი, რომელმაც ორი ორთაბრძოლა მოიგო და მეოთხედფინალშია.ჭრიკიშვილმა, რომელიც შეჯიბრში მეორე წრიდან ჩაება, ჯერ კუბელ ივან ფელიპე სილვა მორალესს სძლია იუკოთი, შემდეგ კი სალვადორელ ხუან დიეგო ტურსიოსს გაფრთხილებების ხარჯზე მოუგო.
1/4-ფინალში ჭრიკიშვილის მეტოქე იტალიელი მატეო მარკონჩინი იქნება.
ოლიმპიადიდან პირდაპირ ტელერეპორტაჟს საზოგადოებრივი მაუწყებლის "პირველი არხი" წარმოადგენს.
