"ზურა უმძიმეს დღეშია, 10 კილო დაიკლო, მას სრულიად ოლიმპიური გუნდი თავდებში უდგება" - ავთანდილ ჭრიკიშვილი

AutoSharing Option
მედიაცენტრ "მთავარში" ძიუდოისტმა ავთანდილ ჭრიკიშვილმა წინანდალში მომხდარი უდიდესი ტრაგედიის შესახებ ისაუბრა.

როგორც მან განაცხადა, ზურაბ ზვიადაურს სრულიად ოლიმპიური გუნდი თავდებში უდგება... ჭრიკიშვილი ამბობს, რომ მთლიანად სპორტული სამყარო ზურაბ ზვიადაურის გვერდით დგას.

"ზურა ისეთი ადამიანია, რომ ვერც წარმომედგინა, ვინმეს რამეს ავნებდა. 41 წლის არის და აქამდე ასეთი რამ არასდროს შემთხვევია. ან ქუჩაში იდგეს, ან რაღაცაზე პრეტენზია ჰქონდეს, ან რამეში დანაშაული მიუძღოდეს, ასეთი რამ არც მსმენია და მინახავს. 20 წელია ძალიან ახლოს ვიცნობ. ვიცი, რომ იქით მხრიდანაც დაღუპულია და მინდა მივუსამძიმრო (გარდაცვლილი
ნიკა კენჭოშვილის ოჯახს).

ამ ფაქტს თვითონაც ძალიან განიცდის. ისეთ დღეშია, რომ ფაქტობრივად, ძლივს დადის. მინდა, ადამიანურად მივუდგეთ, რომ ასეთი რაღაცები ხდება და რომ ყველა კაცს შეიძლება შეემთხვეს. შენს საყვარელ ადამიანს, ყველაზე ძალიან ვინც გიყვარს, შენს სისხლს და ხორცს ასე რომ ნახავ... იმის თქმა მინდა, რომ ვერ გაიქცეოდა და ვერ დაიმალებოდა. პირადად მე ვაცხადებ, რომ ვეღარ ვიმეგობრებდი, გაქცეულიყო და ბუჩქებში დამალულიყო, ძმას ასეთი რაღაც შეემთხვა და პოლიციაში დაერეკა ან რაღაც. არ ვიცი, ჩემთვის წარმოუდგენელია. სოციალურ ქსელში ვადევნებ ხოლმე თვალს და ძალიან ბევრი ადამიანი, ალბათ 90% ეთანხმება იმას, რომ ასე მოიქცეოდა. მე გამართლებას არ ვცდილობ, მაგრამ მაშინ მე კი არა, ის 90%-იც დასაჭერია“, - აცხადებს ავთანდილ ჭრიკიშვილი და აღნიშნავს, რომ მაშინ ზურაბ ზვიადაური აფექტის მდგომარეობაში იყო.

მკითხველის კომენტარები / 14 /
დაპირისპირებამდე არ უნდა მისულიყო სიტუაცია.როცა სიტყვა გეთქმის და საზოგადოება პატივს გცემს ისე უნდა მოიქცე რომ ეს დაპირისპირება აარიდო მხარეებს თორემ მერე რაც მოყვება ხოლმე შეხვედრებს და მით უმეტეს ტყეში ყველამ კარგად ვიცით
ქართველი
17:03 21-08-2021
0
ზვიადაურმა ის გააკეთა, რაც უნდა გაეკეთებინა მოკლული ძმის ძმას. ორივე მხარე ღირსეულად იჭერს თავს ამხელა ტრაგედიის შემდეგ და ღმერთმა გაძლება მისცეს ორივე ოჯახს. ჭრიკიშვილმა კიდევ სჯობს, ჭიდაობას მიხედოს.
Lasha
11:27 21-08-2021
4

სიახლეები პოპულარული