გერმანიის ფრენბურთელთა ჩემპიონატის მეორე დივიზიონში დრეზდენის "სატერიც" ასპარეზობს, რომელსაც, რა დასამალია და, ბოლო დროს ფინანსურად ისე გაუჭირდა, კლუბის ხელმძღვანელმა გოგონათა გუნდი დაიბარა და პირდაპირ უთხრა – მომკალით თუ გინდათ, მაგრამ მე თქვენი რჩენის თავი აღარ მაქვს და თავს თავადვე მიხედეთო. რას იზამდნენ გოგონები? თავიდან დაღონდნენ, სასოწარკვეთა დაეუფლათ, ზოგმა ცრემლიც კი ღვარა, მაგრამ მოგვიანებით ერთ-ერთს ბრწყინვალე იდეა მოუვიდა თავში და უმალ გააჟღერა - სპონსორების მოსაზიდად რომელიმე ჟურნალში გავშიშვლდეთო.
კაცმა რომ თქვას, გერმანელი ფრენბურთელები პირველები არც არიან, თამამ ფოტოსესიაში მონაწილეობა რომ გადაწყვიტეს.
საერთოდ კი, ამ საქმეში სექს-სიმბოლოს ტიტულს იტალიის ნაკრების ფრენბურთელი ფრანჩესკა პიჩინინი ფლობს. მისი უკანასკნელი ფოტოსესია 2009 წლით თარიღდება, როცა ფრანჩესკამ ეროვნული გუნდის თამაშის წინ, გადასაღებ მოედანზე სრულიად შიშველმა გაიბრწყინა.
მომზადებულია NOVSPORT.COM-ის მიხედვით
.
