თბილისის სამბოს სასახლემ საქართველოს 2011 წლის უნივერსიადის მონაწილეებს უმასპინძლა. გამარჯვებულები და პრიზიორები 8 წონით კატეგორიაში გამოვლინდნენ. განსაკუთრებით გორის უნივერსიტეტის სამბისტებმა იყოჩაღეს: მათ სამი ოქროს და ამდენივე ვერცხლის მედალი მოიხვეჭეს და 36 ქულით გუნდურში პირველი ადგილიც დაიკავეს. 32 ქულით მეორე ადგილზე აგრარული უნივერსიტეტი (2 ოქრო და 6 ბრინჯაო) გავიდა. 25 ქულით მესამე ადგილი სტუ-ს (2 ვერცხლი, 5 ბრინჯაო) ხვდა. პირად ჩათვლაში წონითი კატეგორიების მიხედვით კვარცხლბეკის უმაღლეს საფეხურზე ავიდნენ: ზურაბ ქიზიყელაშვილი (57 კგ, აგრარული უნივერსიტეტი), იაკობ გაზდელიანი (62, აგრარული), შმაგი კაპანაძე (68, ბრძენთა თამაშის მოყვარულთა პაექრობები ჭადრაკის სასახლეში გაიმართა. აქ საპრიზო ადგილები ასე განაწილდა: გოგონები. 1. ნინო კეკელიძე-6 ქულა (აგრარული უნივერსიტეტი), 2. მადონა ბოკუჩავა-5,5 (თსუ), 3. ეკა გოგლიძე-5,5 (გორის უნივერსიტეტი). ვაჟები. 1. ირაკლი ჯანიაშვილი-6,5 (კავკასიის საერთაშორისო უნივერსიტეტი), 2. გაიოზ ნიგალიძე-6 (ბათუმის უნივერსიტეტი), 3. არჩილ ამირხანაშვილი-5,5 (თსუ).
თოთხმეტი სახეობის შემდეგ საერთო გუნდურ ჩათვლაში 10-10 ოქროს მედლით საქართველოს ტექნიკური და ილიას სახელმწიფო უნივერსიტეტები მეწინავეობენ. 9 ოქროს მედლით აგრარული უნივერსიტეტი მესამე ადგილზეა.
