შეიძლება ბევრმა არ იცის, რომ თურქეთ-საქართველოს მეგობრობისა და თანადგომის საერთაშორისო ასოციაცია დიდ ყურადღებას უთმობს ორი მეზობელი ქვეყნის ახალგაზრდობის სპორტულ დაახლოებას. ხოლო თუ რა კეთდება კონკრეტულად, ამას ასოციაციის პრეზიდენტ მიხეილ გელიაშვილისგან შეიტყობთ.- 1991 წელს ქართველი მოსწავლეები პირველად მონაწილეობდნენ თურქეთის ქალაქ უნიეში გამართულ საერთაშორისო ფესტივალში, რომლის პროგრამაში ფეხბურთიც შედიოდა. ფინალში ქართველები მასპინძლებს შეხვდნენ და თამაში 5:5 დამთავრდა. მას შემდეგ არაერთ ერთობლივ სპორტულ ღონისძიებაში გამოვსულვართ - ამბობს ბატონი მიხეილი.
- განსაკუთრებით მზრუნველობას იჩენთ ქართველ ჭაბუკი ფეხბურთელების მიმართ...
- ფეხბურთში საქართველოს და თურქეთის
- როგორც ვიცით, თქვენი ასოციაციას ურთიერთობა აქვს თურქეთში ქართველებით დასახლებულ ქალაქებთან და სოფლებთან...
- ნამდვილად ასეა და თავს მოვალედ ვთვლით გავაღრმავოთ ურთიერთობები ადამიანებთან, რომლებსაც ერთი ისტორიული ფესვები აქვთ. მაგალითად, 2007 წელს იზმითში ჩატარდა საერთაშორისო შეჯიბრება მინიფეხბურთში. მონაწილეობდა მცხეთის რაიონის ბავშვთა გუნდიც, რომელმაც მესამე საპრიზო ადგილი დაიკავა. იმავე წელს მარმარილოს ზღვისპირა ქალაქ ქოჯაელში ცურვაში გაიმარჯვა საქართველოს წარმომადგენელმა ბეგლარ ელბაქიძემ, რომელმაც ხელების დაუხმარებლად გაცურა 1000 მეტრი, ბოლო დროს კი გააუმჯობესა თავისი რეკორდი - 8,5 კილომეტრი გაცურა 3 საათსა და 28 წუთში. მას თურქეთში ”ზღვაში მოსიარულე” შეარქვეს. 2010 წელს სწრაფ ცურვაში მეორე ადგილი დაიკავა თბილისელმა ლევან წერეთელმა.
- თურქეთ-საქართველოს მეგობრობის და თანადგომის სამომავლო პერსპექტივებზე რას იტყვით?
- ქოჯაელისა და არდახანის ვილაიეთის ხელმძღვანელებთან შეთანხმებით მცხეთაში შეიქმნა სპორტული კლუბი. აქ ფეხბურთის, ფრენბურთის, კალათბურთის, მძლეოსნობის სექციებში ნიჭიერი ახალგაზრდები გამოცდილი სპეციალისტების ხელმძღვანელობით დაოსტატდებიან. კლუბის დამფუძნებელთა კრება წლეულს 24 მარტს მცხეთაში ჩატარდა, რომელსაც დაესწრნენ როგორც მცხეთა-მთიანეთის გუბერნიის წარმომადგენლები, ისე თურქეთიდან ჩამოსული ბიზნესმენები.
სოფელ გოროვანთან შეირჩა ადგილი, რომლის გადმოცემის შემდეგ დაიწყება სპორტული მოედნის მშენებლობა. შარშან შევქმენით ფეხბურთის გუნდი, რომელიც საქართველოს ჩემპიონატში (III ლიგა) მონაწილეობს.
- სპორტული ინვენტარითაც ეხმარებით მცხეთელ ახალგაზრდებს...
- დიახ, ბიწმენდის, საგურამოს, მუხრანის, წეროვნის სკოლის მოსწავლეებს ასოციაციამ თურქეთიდან ჩამოუტანა სხვადასხვა სასწავლო და სპორტული ინვენტარი.
- საქართველოს ფეხბურთის ფედერაციამ თუ იცის თქვენი საქმიანობის შესახებ?
- იცის, რა თქმა უნდა. ფედერაციის პრეზიდენტმა, ბატონმა ზვიად სიჭინავამ გამოთქვა მხარდაჭერის და დახმარების სურვილი. პროექტების განხორციელებაში ხელს გვიწყობენ ქოჯაელის, არდახანის ვილაიეთის მცხეთის და დუშეთის რაიონის ხელმძღვანელები.
თენგიზ თომაშვილი
