ყოველი წლის დასასრულს განვლილ წელს, წარმატებებსა და წარუმატებლობებს ვიხსენებთ. სამწუხაროდ, კორონავირუსის პანდემიამ არა მარტო ჩვენი ქვეყანა და სპორტი, არამედ მთელი სამყარო უმძიმეს სიტუაციაში ჩააგდო.
ამ რთულ ვითარებაში ჩვენმა ზოგიერთმა გუნდმა გაგვახარა. მაგალითად, კალათბურთელებმა, რომლებსაც ევროპირველობის საგზური მასპინძლობის უფლების გამო დაბევებული აქვთ, მაგრამ საკვალიფიკაციო ეტაპზე მაინც ყველა მეტოქე დაჯაბნეს.
რა თქმა უნდა, გაგვახარეს სხვა სახეობების წარმომადგენლებმა და უპირველეს ყოვლისა ძიუდოისტებმა, რასაც ვერ ვიტყვით ფეხბურთელთა ეროვნულ გუნდზე, რომელმაც გარკვეული პროგრესის შემდეგ ყველაზე საჭირო მომენტში საოცარი ფიასკო განიცადა და ყველას ძლიერ დაგვწყიტა გული.
როგორც წესია, ყველაფერი ცუდი გასულ წელს უნდა ჩავაბაროთ. ჰო და, უიმედობაცა და წარუმატებლობაც 2020 წლისთვის გვიბოძებია, 2021 წელს კი ყველაზე მეტად სასურველი მიზნები და ოცნებები ვათხოვოთ, ვნახოთ, შევამოწმოთ, როგორ მოუვლის და დაგვეხმარება მათ ახდენაში.
თქვენ, ყველა ჩვენს მკითხველს, მადლობას გიხდით, რომ მთელი ეს რთული წელი ჩვენთან ერთად იყავით. Sportall.ge-ის გუნდი თქვენთვის მუშაობს და პირობას გაძლევთ, 2021 წელს საინტერესო სტატიებს არ მოგაკლებთ.
Sportall.ge გილოცავთ ახალ 2021 წელს და ყოველივე საუკეთესოს გისურვებთ: ჯანმრთელობას და სულის სიმხნევეს, სიძლიერესა და ბედნიერებას. ჩვენს ქვეყანას ამაზე უარესი გასაჭირიც გადაუტანია, დარწმუნებული ვართ, ამასაც გადაიტანს და უკეთესი დროებაც დაუდგება - გამთენიისას ხომ ყველაზე მეტად ბნელა.
- საქართველო სპორტული ც ე ნ ტ რ ი გაგვეხადოს არა მარტო მთელი კავკასიისათვის,ძლიერი-კონკურენტული ეროვნული ჩემპიონატები ყ ვ ე ლ ა გუნდური სახეობისათვის, მსოფლიო მასშტაბის ტურნირები (გახსოვთ გრან -პრის მაღალი რანგის ტურნირები ძიუდოში, თავისუფალ ჭიდაობაში ?!)...- რისთვისაც საჭიროა -ეკო-კის აღორძინება, ეკო-კის აღორძინებისათვის სახელმწიფოს უსაფრთხოების განმტკიცება + პროგრესულ დასავლთთან სტრ-ეგიული ეკო-კური პროექტები, ანუ დასავლეთთან სტრატეგიკული პარტნიორობ(ა)ით... ა რ ა სიტყვით,რეალური საქმით, თორემ მალე სპორტის დაფინანსების პრობლემებიც შეიქმნება და... (მოკლედ ისევ პოლიტიკაზე გადავედი , ამიტომ აქ შევწყვიტავ)!- წარმატებული წელი, წარმატებული სპორტული წელი-წლები!