კოსტანტინოს კოსმიდისი საქართველოში დაიბადა და გაიზარდა, პოლიტექნიკური ინსტიტუტის კურსდამთავრებულმა 25 წელიწადი დიმიტროვის სახელობის საავიაციო ქარხანაში იმუშავა ინჟინრად. რვა წელიწადია, ოჯახთან ერთად სალონიკში გადავიდა საცხოვრებლად, სადაც სპორტული ნარდისა და სხვა სამაგიდო თამაშების ფედერაცია ჩამოაყალიბა. ნოსტალგიის გასაქარვებლად და საქართველოსთან ურთიერთობის გასამტკიცებლად სწორედ სპორტული ნარდი აირჩია.
ინტერნეტით მოძებნა და შეეხმიანა საქართველოს ნარდის ასოციაციის პრეზიდენტ თემურ ქურციკიძეს, სალონიკელ თანამოაზრეებთან ერთად თბილისს ეწვია და ბერძნულ რესტორან "როდოსში" პირველი ამხანაგური საერთაშორისო მატჩიც გაიმართა ქართველ და ბერძენ მონარდეთა შორის. მასპინძელთა სპორტულ ღირსებას იცავდნენ დედაქალაქის ნარდის ფედერაციის პრეზიდენტი,
შეჯიბრებები ოთხ სახეობაში გაიმართა. ნარდი საერთაშორისო წესებით: ბეჟან ხურციძე-გიორგიოს მანამასიდისი 11:10, ომარ დვალი-კოსტანტინოს კოსმიდისი 7:3. მოკლე ნარდი: სოფო ვასაძე-მადონა სავიდი 6:7, სოფო გოდუაძე-იზოლდა სარიდი 3:7, იმედა კახიანი-ემანუელ პილავოვი 8:3, დავით დათოშვილი-იური სარიდი 6:7. გრძელი ნარდი. ომარ დვალი-კონსტანტინოს კოსმიდისი 9:4. წყვილები. იმედა კახიანი, არტურ ზადიკიანი-იური სარიდი, მანუელ პილავოვი 5:2.
თემურ ქურციკიძემ და კონსტანტინოს კოსმიდისმა შეჯიბრების მონაწილენი სამახსოვრო პრიზებითა და ფასიანი საჩუქრებით დააჯილდოვეს.
სტუმრებმა მასპინძლები გაისად საპასუხო ვიზიტით სალონიკში მიიწვიეს.
ყოველდღიური სპორტული გაზეთი "ლელო"
