ვეტერანი ძიუდოისტი და მწვრთნელი შოთა ხაბარელი "ქართულ ოცნებას" შეუერთდა. ამის შესახებ ინფორმაცია კოალიციის ლიდერის, ბიძინა ივანიშვილის "ფეისბუქის" გვერდზე გამოქვეყნდა. ხაბარელი ბიძინა ივანიშვილს ვაჟთან ერთად ესტუმრა და მხარდაჭერა გამოუცხადა. შოთა ხაბარელის განცხადებით, დღეიდან "ქართულ ოცნებას" უერთდება და პოლიტიკურ ბრძოლაში აქტიურად ერთვება.
შოთა ხაბარელი არის ევროპის (გუნდური, 1979, მილანი; 1985 ბრიუსელი) და XXII ოლიმპიური თამაშების (1980, მოსკოვი) ჩემპიონი, ევროპის ჩემპიონატების ვერცხლისა (1979-80, 1982) და ბრინჯაოს (1981, 1983), აგრეთვე მსოფლიოს ჩემპიონატის ბრინჯაოს (1983, მოსკოვი) პრიზიორი. იგი 2006 წელს ევროპის საუკეთესო მწვრთნელად არის დასახელებული.
იხილეთ შოთა ხაბარელისა და ბიძინა ივანიშვილის შეხვედრის ამსახველი ვიდეომასალა
