70 წლის ლოის გუდმენი, რომელიც უკვე 10 წელია ამერიკის ღია პირველობაზე ხაზის არბიტრად მუშაობდა, პოლიციამ ქმრის მკვლელობის ბრალდებით დააკავა.სამართალდამცავი ორგანოების თანამშრომლებმა ქალი 21 აგვისტოს, ნიუ იორკის სასტუმროში დააკავეს, სადაც ის ამერიკის ღია ჩემპიონატის საკვალიფიკაციო ტურნირზე მუშაობისთვის მოსამზადებლად ჩავიდა.
საოლქო პროკურატურის წარმომადგენელმა განაცხადა, რომ გუდმენი ნიუ იორკის ციხეში მანამდე დაჰყოფს, სანამ მისი ლოს ანჯელესში ექსტრადაცია განხორციელდება. თუ იქ გუდმენს ბრალი დაუმტკიცდა, სამუდამო პატიმრობა ელის.
მსაჯს იმაში ადანაშაულებენ, რომ მან 17 აპრილს ქმარი, 80 წლის ალან გუდმენი ლოს ანჯელესში, საკუთარ ბინაში
გუდმენების სახლში ჩხრეკა ჩაატარეს და გატეხილი ჭიქა იპოვეს. ექსპერტიზის მონაცემებით, მსხვერპლის თავზე აღმოჩენილი დაზიანებები მეტყველებს, რომ ისინი სწორედ ამ საგნის ჩარტყმით იყო მიყენებული.
აგვისტოში საქმე მკვლელობად გადაკვალიფიცირდა და სასამართლოში დაბრუნდა, რის შემდეგაც გუდმენის დაპატიმრების ორდერი გაიცა.
ამერიკის საჩოგბურთო ასოციაციის წარმომადგენლისა და ამერიკის ღია პირველობის მფლობელის, ტიმ კარის თქმით, ტურნირის ორგანიზატორებმა არ იცოდნენ, რომ გუდმენის საქმეზე გამოძიება მიმდინარეობდა.
