რუსეთის ნაკრების და "ხიმკის" კალათბურთელი ვიტალი ფრიძონი იმედოვნებს, რომ ქურდები, რომლებმაც მისი ბინა გაძარცვეს, ლონდონის ოლიმპიადის ბრინჯაოს მედალს დაუბრუნებენ."მედლებიდან მხოლოდ ოლიმპიური ბრინჯაო მოიპარეს. ასევე, მომპარეს პერსონალური კომპიუტერი, ტელეფონები და საათები, მაგრამ ეს ნივთები იმდენად მნიშვნელოვანი არ არის, რამდენადაც ბრინჯაოს მედალი.
იმ დღეს სახლში არ ვიყავი, შინ ჩემი ძმა იმყოფებოდა. ქურდები ბინაში დაახლოებით დილის ორიდან ხუთ საათამდე შეიპარნენ.
დიდი იმედი მაქვს, რომ ის, ვინც ეს გააკეთა, მედალს დააბრუნებს. შეუძლია ყველა სხვა ნივთი თავისთვის დაიტოვოს.
ვიცი, რომ საერთაშორისო ოლიმპიური კომიტეტის წესების
რუსეთის ნაკრებმა, რომლის შემადგენლობაშიც ვიტალი ფრიძონი ასპარეზობდა, ოლიმპიური თამაშების ბრინჯაოს მედლები თავის ისტორიაში პირველად მოიპოვა. მესამე ადგილისთვის მატჩში ლონდონში რუსებმა არგენტინის ნაკრები 81:77 დაამარცხეს.
