21 მარტს, ბერლინის დროით 11:30-ზე, ოლიმპიური სტადიონის მიმდებარე ტერიტორიაზე საპოლიციო სწავლებებზე, რომელიც საფეხბურთო ხულიგნების წინააღმდეგ მოქმედებათა დახვეწას ისახავდა მიზნად, ტრაგედია დატრიალდა. ერთმანეთს სამართალდამცავების ორი ვერტმფრენი - AS332 Super Puma და EC135, წინასწარი ვარაუდით, ბურუსით გამოწვეული შეზღუდული ხილვადობის გამო კუდის ხრახნებით, ე.წ. სტაბილიზატორებით შეეჯახა. ადგილზე დაიღუპა ერთ-ერთი პილოტი, მძიმედაა დაშავებული კიდევ ოთხი ადამიანი. ამას გარდა, მსუბუქი დაზიანებები მიიღეს ადგილზე შეკრებილმა პოლიციელებმაც, რომელთაც, ისევ და ისევ ბურუსის გამო, ვარდნის მომენტი ვერ დაინახეს.
საბედნიეროდ, შეჯახება შედარებით დაბალ სიმაღლეზე მოხდა, რამაც ტრაგედიის მასშტაბები შეამცირა.
Video
ოლიმპიურ სტადიონთან ერთმანეთს ორი ვერტმფრენი შეასკდა
ოლიმპიურ სტადიონთან ერთმანეთს ორი ვერტმფრენი შეასკდა
ყოველდღიური სპორტული გაზეთი "ლელო"
