მსოფლიო ველომოგზაური, გინესის მრავალგზის რეკორდსმენი ჯუმბერ ლეჟავა ახალ, რიგით მე-7 ლაშქრობას ევრაზიის ქვეყნების გავლით გეგმავს. 74 წლის მოგზაური გრძელ გზას 9 მაისს გაუდგება და ორი წლის განმავლობაში, თანმხლებ ჯგუფთან ერთად, 30 ათას კილომეტრზე მეტს დაფარავს.
ივარაუდება, რომ გზადაგზა 30-ზე მეტი ქვეყნის ტერიტორიაზე გავლისას 40 ათასამდე ველომოყვარული შეუერთდება და იმდენს გაივლიან, რამდენსაც შეძლებენ.
პროექტი, რომლის პრეზენტაცია საქართველოს ტექნიკურ უნივერსიტეტში 7 აპრილს გაიმართა, საქართველოს კათოლიკოს-პატრიარქის, უწმინდესისა და უნეტარესის ილია II-ის ლოცვა-კურთხევით, ჩვენი და საზღვარგარეთის ქვეყნების სამინისტროების, უწყებებისა ცალკეული ფირმების მხარდაჭერით ხორციელდება.
თორნიკე გაჩეჩილაძე
