კომპანია "სილქნეტმა" პრემიერლიგის მატჩების ტრანსლირების ექსკლუზიური უფლება მოიპოვა.კომპანია "სილქნეტი" ფეხბურთის მოყვარულებისთვის სასიამოვნო სიახლეს ამზადებს და 17 აგვისტოს ექსკლუზიურად "სილქ ტვ"-ის მაყურებელი პრემიერლიგის სეზონის გახსნის მატჩის - "ლივერპულისა" და "სტოკ სიტის" ყურებას საკუთარი ტელევიზორის ეკრანიდან, HD ხარისხით შეძლებს.
კომპანია "სილქნეტმა" პრემიერლიგის მატჩების ტრანსლირების ექსკლუზიური უფლება კომპანია "ინტეგრალისგან" მოიპოვა.
კომპანია "ინტეგრალმა", სპეციალურად "სილქნეტისთვის", ახალი ტელეარხი - SILK SPORTHD-ი შექმნა.
არხი ექსკლუზიურად გადაიცემა "სილქ ტვ"-ის მეშვეობით. სწორედ ამ არხზე იხილავენ ფეხბურთის მოყვარულები პრემიერლიგის ტრანსლაციებს და სხვადასხვა სპორტულ გადაცემას.
აღნიშნული სიახლის პრეზენტაცია სასტუმრო
ხოლო მათ, ვისაც SILK TV-ის 60-ლარიანი პაკეტი აქვს შეძენილი, SILK SPORTHD-ის საყურებლად დამატებითი გადასახადი აღარ დაერიცხება.
"სილქნეტის" კომერციული დირექტორი ბაჩო ჩინჩალაძე: "ჩვენ კომპანია "ინტეგრალთან" ხელშეკრულება გავაფორმეთ, რომლის მიხედვით, 3 წლის განმავლობაში მხოლოდ "სილქ ტვ"-ის აბონენტებს შეეძლებათ პრემიერლიგის თამაშებისა და ჩემპიონატების ყურება.
ახალი არხი SILK SPORT HD-ი გამოსახულების მაღალი გარჩევადობით გამოირჩევა. ფეხბურთის მოყვარულები მთელი კვირის განმავლობაში თამაშების გარჩევებს, ანალიზს, პრემიერლიგის პროგრამებს და 5-6 "ლაივ მატჩის" ყურებას შეძლებენ.
ყველაფერი ეს მაყურებლისთვის ქართულად იქნება ნათარგმნი და გახმოვანებული. რეპორტაჟებიც, რა თქმა უნდა, ქართულ ენაზე გავა ეთერში".
კომპანია "ინტეგრალის" პიარმენეჯერი თაკო ნინუა:
"პრემიერლიგის ლიცენზია ჩვენ შევიძინეთ. კომპანია "სილქნეტთან" საქმიანი ურთიერთობა ისედაც გვქონდა. მოლაპარაკების შემდეგ გადაწყდა, რომ საფეხბურთო თამაშები ექსკლუზიურად სწორედ ახალ არხზე გავიდეს. ეს დიდი სიამოვნებაა ფეხბურთის მოყვარულებისთვის.
SILK SPORT HD-ის არხზე, პრემიერლიგის ტრანსლაციის გარდა, გადაცემაც მომზადდება, რომელიც ყველაზე მეტად აზარტული მაყურებლებისთვის იქნება საინტერესო".
სანდრო ცნობილაძე:
"გადაცემას "ტიპსტერი" ერქმევა, რომელიც ეთერში ყველა "ლაივ რეპორტაჟის" წინ გავა.
ქრონომეტრაჟი 20-25 წუთი იქნება, სადაც ფეხბურთის მოყვარულები შეძლებენ, თვალყური ადევნონ წინასწარ შედეგებს, თუ რომელ გუნდზე გააკეთონ ფსონი. ასევე, იქნება რჩევებიც, რომელ გუნდსა და თამაშზე გააკეთონ უპირატესობა.
ვებ-პორტალი TIPCHASER.COM-ი სპორტის მოყვარულთათვის უკვე კარგად ნაცნობი საიტია.
ამ პორტალის მეშვეობით ფეხბურთის გულშემატკივრებს შეუძლიათ ვირტუალური ფსონების დადება, ყველაზე რეიტინგული გუნდებისა და მოთამაშეების ცხრილების ნახვა და მომგებიანი ფსონების დასადებად საჭირო სხვა ინფორმაციის მიღება.
ამ საიტთან ასოცირებული გადაცემაც დაახლოებით იგივე შინაარსის იქნება - წამყვანები ფეხბურთის მოყვარულებს შესთავაზებენ ყველა იმ ინფორმაციას, რაც მათ ფსონის წარმატებით დადებაში დაეხმარებათ".
პრემიერლიგა SILK SPORT HD-ზე 17 აგვისტოს დაიწყება.
გიორგი ბერიძე
R
