საფრანგეთში სათხილამურო სპორტის მოყვარულებს უჩვეულო საახალწლო სიურპრიზი მოუწყვეს. სპორტული ინვენტარის ცნობილი მწარმოებლის, Lacroix-ის დიზაინერებმა ბრილიანტებიანი თხილამურები შექმნეს. ეს მდიდრული თხილამურები მოოქროვილია და ნამდვილი ბრილიანტებითაა მორთული.
შესაბამისად, ფასიც ისეთი აქვს, თხილამურებით სრიალის ყველა მოტრფიალეს ხელი რომ არ მიუწვდება - 50 ათასი დოლარი.
თხილამურების პირველი წყვილი ერთ-ერთმა ბიზნესმენმა უკვე შეიძინა, რომელსაც ბონუსის სახით, თხილამურის დაზიანების შემთხვევაში უფასო საგარანტიო მომსახურება და ფრანგულ კურორტ კურშეველში სეზონური აბონემენტი ხვდა.
.
