კომენტატორი დავით მინაშვილი "საზოგადოებრივ მაუწყებელზე" პირდაპირ რეპორტაჟებს აღარ წაიყვანს. უკავშირდება თუ არა ეს "საზოგადოებრივი მაუწყებლის" სპორტული რედაქციის ახალი ხელმძღვანელის მისვლას, ამაზე კომენტარი დავით მინაშვილს ვთხოვეთ:
- მე "პირველი არხიდან" არ წამოვსულვარ და ამჟამად ისევ ამ არხის თანამშრომელი ვარ.
- ანუ ინფორმაცია, რომ თქვენ რეპორტაჟებს აღარ წაიყვანთ, არაა სიმართლე?
- მე ჯერჯერობით შვებულებაში ვარ და ვერაფერს გეტყვით.
- "საზოგადოებრივი მაუწყებლის" სპორტული რედაქციის ახალი ხელმძღვანელის, გიორგი ზურაბიშვილის დანიშვნაზე რა კომენტ
- მე მას არ ვიცნობ და არც რაიმე სახის საუბარი მქონია მასთან. როგორც უკვე გითხარით, ვარ შვებულებაში და მასთან არანაირი კონტაქტი ჯერჯერობით არ მქონია.
- ის სპორტული რედაქციის ხელმძღვანელია, რომლის თანამშრომელიც ხართ თქვენ და საუბარი არ გქონიათ ერთმანეთთან?
- მე ვიყავი შვებულებაში, როდესაც "საზოგადოებრივი მაუწყებლის" სპორტული რედაქციის ხელმძღვანელი გახდა გიორგი ზურაბიშვილი და ამიტომ ჯერ ჩვენ არ შევხვედრივართ ერთმანეთს.
ჩვენ შორის შედგება თუ არა საუბარი, გეტყვით 15 სექტემბრის მერე, როცა გავალ სამსახურში. ამჟამად მე ჩვეულებრივ ისევ "საზოგადოებრივი მაუწყებლის" თანამშრომელი ვარ.
ლადო გოგოლაძე სპეციალურად საიტისთვის
![დავით მინაშვილი საქართველოზე "არდადებას" ნანობს [VIDEO]](/pictures/image7/738516a2af2c93ef5e3866f685c6700b.jpg "დავით მინაშვილი საქართველოზე \"არდადებას\" ნანობს [VIDEO]")
