თბილისიდან საჭადრაკო დღესასწაულმა ქუთაისში გადაინაცვლა. ორი დღის განმავლობაში სასტუმრო "ბაგრატი-1003"-ში მიმდინარეობდა ევროპის ჩემპიონატი ქალთა შორის სწრაფ ჭადრაკში, რომელსაც მსოფლიოს ხუთგზის ჩემპიონის, მაია ჩიბურდანიძის საპატივცემულოდ "მაიას თასი" ეწოდა და ტიტულოვანი მოჭადრაკის 50 წლის იუბილეს მიეძღვნა. ტურნირში, რომლის საპრიზო ფონდი 10.400 ევრო იყო, 12 ქვეყნის 74 მოჭადრაკე მონაწილეობდა. 11 ტურში დაგროვებული 9 ქულით ევროპის ჩემპიონობა მოიპოვა უნგრეთის სახელით მოასპარეზე ტრან ტრანგ ჰოანგმა, რომელიც მთავარი პრიზის - 2.000 ევროს მფობელი გახდა. მეორე ადგილზე გავი
ტურნირის ყველაზე რეიტინგული მოჭადრაკე რუსი ნადეჟდა კოსინცევა კი მეექვსე ადგილს დასჯერდა. გამოვლინდნენ სხვადასხვა ასაკობრივ კატეგორიებში გამარჯვებულებიც. 8 წლამდელთა შორის - თამარ ესაძე (3ქ), 10 წლამდე - ელენე კოსტავა (4), 12, 14, 16 და 18 წლამდელთა შორის შესაბამისად თეა ჭოლაძემ (5), ალექსანდრა გარიაჩკინამ (რუსეთი, 5) საბრინა იბრაჰიმოვამ (აზერბაიჯანი, 6) და მერი არაბიძემ (6,5) იპირველეს.
გამარჯვებულები და პრიზიორები ქუთაისის ოპერისა და ბალეტის სახელმწიფო თაეტრში მაია ჩიბურდანიძის 50 წლის იუბილისადმი მიძღვნილ ღონისძიებაზე დაჯილდოვეს.
ტიტულოვან მოჭადრაკეს იუბილე მიულოცეს მხარისა და ქალაქის მაღალჩინოსნებმა, სპორტისა და ახალგაზრდობის საქმეთა სამინისტროს, საქართველოს ჭადრაკის ფედერაციის და იმერეთის რეგიონალური ფედერაციის ხელმძღვანელებმა. ქალბატონმა მაიამ არაერთი მილოცვა და საჩუქარი მიიღო ბიზნეს სექტორისგანაც.
"საქართველომ ზედიზედ ორჯერ უმასპინძლა ევროპის საჭადრაკო ჩემპიონატს, რაც ჩვენი ქვეყნისთვის უდიდესი პატივია. ასეთი ფაქტი ჭადრაკის ისტორიაში არ ყოფილა... ვულოცავ ქალბატონ მაიას 50 წლის იუბილეს, ის არის პირველი ქალბატონი, რომელსაც დღეს სპორტისა და ახალგაზრდობის საქმეთა სამინისტროს უმაღლესი ჯილდო სპორტის რაინდის წოდება მიენიჭა."- განაცხადა საიუბილეო საღამოზე მინისტრის მოადგილემ გიორგი გალდავამ.
ევროპის ჩემპიონმა ტრან ჰოანგმა, რომელიც თავად მაია ჩიბურდანიძემ დააჯილდოვა ტურნირის ორგანიზატორებისა და იუბილარის მიმართ თბილი სიტყვები არ დაიშურა- "საქართველოში მეორედ ვარ და ეს ქვეყანა ძალიან მიყვარს. საოცრად კარგი პირობები გვქონდა შექმნილი როგორც თბილისში, ასევე ქუთაისში. ბედნიერი ვარ, რომ ისეთი ლეგენდარული მოჭადრაკის სახელობის თასის მფლობელი გავხდი, როგორიც მაია ჩიბურდანიძეა."
ცნობილმა შვედმა მოჭადრაკემ პია კრამლინგმა აღნიშნა - "ყოველთვის გაოცებული ვიყავი მაიას გენიალური საჭადრაკო ნიჭით, მისი საიდუმლოების ამოხსნას ვცდილობდი და ეს ახლა მოვახერხე. მაიას წარმატებების საიდუმლოება იმაში მდგომარეობს, რომ ის ამ უმდიდრესი საჭადრაკო ტრადიციების ქალაქშია (ქუთაისში) დაბადებული. ვიმედოვნებ, მაია კიდევ დარჩება აქტიურ სპორტში და გულშემატკივრებს კვლავ გაახარებს წარმატებებით."
ტურნირის საპრიზო ოცეული:
1. თრანგ ჰოანგი-9ქ. (უნგრეთი)
2. სალომე მელია-8 (საქართველო)
3. ლილი მკრტჩიანი-8 (სომხეთი)
4. ევგენია ოვოდი-8 (რუსეთი)
5. ანა მუზიჩუკი -8 (სლოვენია)
6. ნადეჟდა კოსინცევა-7.5 (რუსეთი)
7. ნანა ძაგნიძე-7.5 (საქართველო)
8. ბელა ხოტენაშვილი -7.5 (საქარათველო)
9. ინა გაპონენკო -7.5 (უკრაინა)
10. მარინა რომანკო-7.5(რუსეთი)
11. ქეთი წაწალაშვილი-7.5 (საქართველო)
12. ინგა ჭარხალაშვილი -7 (საქართველო)
13. ნატალია ჟუკოვა-7 (უკრაინა)
14. მარია მუზიჩუკი-7 (უკრაინა)
15. ნინო ბაციაშვილი-7 (საქართველო)
16. ლილი გალოიანი -7 ((სომხეთი)
17. ტატიანა კოსინცევა-6.5 (რუსეთი)
18. ლელა ჯავახიშვილი-6.5 (საქართველო)
19. მერი არაბიძე -6.5 (საქართველო)
20. მაკა ფურცელაძე-6.5 (საქართველო)
