ფოთში გრძელდება ნანა ალექსანდრიას თასის გათამაშება. ამ საერთაშორისო ტურნირის მე-5 ტურში გუშინ საქართველოს ნაკრების წევრმა ლევან ფანცულაიამ თეთრი ფიგურებით ალექსანდრე ქაშაშვილი დაამარცხა. წარმატებას მიაღწია კონსტანტინე შანავამაც - შავი ფიგურებით მან ალექსანდრე ვახანიას სძლია. დაზავდნენ: დავით ზარქუა და ბაჩანა მორჩიაშვილი. სომეხმა დავიდ კალაშიანმა ირაკლი ბერაძეს მოუგო, ხოლო მისმა თანამემამულემ დავიდ შაჰინიანმა ივერი ჭიღლაძეს გააჩერებინა საათი.
ხუთი ტურის შემდეგ მთავარ ტურნირში 4,5-4-5 ქულით ფანცულაია, შანავა, კალაშიანი და შაჰინიანი მეწინავეობენ.
ყოველდღიური სპორტული გაზეთი "ლელო"
