პალეოხორას (საბერძნეთი) მოჭადრაკეთა საერთაშორისო ტურნირის მე-7 ტურში სოფიკო გურამიშვილს ძლიერ მეტოქე ჰყავდა - ალექსანდრ ხარიტონოვი (2539), რომელიც რეიტინგში ჩვენებურზე 210 პუნქტით მაღლა დგას. ამის მიუხედავად, სოფიკომ შავი ფიგურებით ყაიმს მიაღწია და 5 ქულა მოაგროვა. იგი ქალთა შორის პირველი ადგილის ერთ-ერთი კანდიდატია. მას კონკურენციას უწევენ ბულგარელები - ელიზა რაევა და ივა ვიდენოვა, რომლებმაც 7 ტურის შემდეგ ასევე 5-5 ქულას მოუყარეს თავი.
წარმატებას მიაღწია ბესარიონ ხეცურიანმა. ქართველმა საერთაშორისო ოსტატმა ბერძენ დიდოსტატ სპირიდონ სკემბრისს მოუგო. რაც შეეხებათ ლიდერებს, დაზავდნენ ხრისტოს ბანიკასი (საბერძნეთი) და
იყოჩაღეს ალბერტო დავიდმა (ლუქსემბური), ნიკიტა მაიოროვმა (ბელარუსი) და ალექსანდრ იპატოვმა (ესპანეთი), რომლებმაც იაროსლავ ზინჩენკოს (უკრაინა), ალექსანდრ ზუბარევისა (უკრაინა) და მისა პაპის (სერბეთი) ძლევით მონაგარს თითო ქულა შესძინეს.
7 ტურის შემდეგ 5-მა დიდოსტატმა (კრივორუჩკო, მაიოროვი, იპატოვი, დავიდი და ბანიკასი) 6-6 ქულა მოაგროვა. 12 მონაწილეს, მათ შორის - ხეცურიანს, 5,5-5,5 ქულა აქვს.
ყოველდღიური სპორტული გაზეთი "ლელო"
