ესპანურ ნავალმორალ-დე-ლა-მატაში გრძელდება მოჭადრაკეთა მე-17 საერთაშორისო ტურნირი, რომელშიც ქართველი დიდოსტატები კონსტანტინე შანავა და თორნიკე სანიკიძეც მონაწილეობენ. საპრიზო ადგილებისთვის 17 ქვეყნის 69 წარმომადგენელი იბრძვის, მათ შორის 17 დიდოსტატია.
განვლილ სამ ტურში ჩვენებურებმა 2,5-2,5 ქულას მოუყარეს თავი. გუშინ მეოთხეში შავი ფიგურებით შანავა იბრაგიმ ხამარკულოვს, სანიკიძე კი ორელვის პერესს (ორივე - ესპანეთი) დაუზავდა.
4 ქულით უკრაინელი სერგეი ფედორჩუკი ერთპიროვნულად მეწინავეობს, რომელმაც გუშინ ესპანელი მანუელ პერესი დაამარცხა. ლიდერს ნახევარ-ნახევარი ქულით ჰენრიკ ტეშკე (გერმანია) და ხულიო გრანდა (პერუ) ჩამორჩებიან. 10 მოჭადრაკეს 3-3 ქულა აქვს. მე-5
ყოველდღიური სპორტული გაზეთი "ლელო"
