თბილისის ჭადრაკის სასახლეში გრძელდება ცნობილი ქართველი მწვრთნელის თეიმურაზ ლომაიას ტრადიციული მემორიალი, რომელშიც უფროსი ასაკის მოჭადრაკეების პარალელურად 8-12 წლის გოგო-ბიჭებიც იბრძვიან საპრიზო ადგილებისთვის. შეჯიბრების დამთავრებამდე 2 ტური დარჩა. გუშინ მე-5 ტურის ორთაბრძოლები გაიმართა. უფროსებში 4,5 ქულით ნინო ხომერიკი დაწინაურდა. ნახევარ-ნახევარი ქულით ნაკლები აქვს ექვს მოჭადრაკეს (მათგან სამი გოგოა) - ანა კუჭავას, ნატა ჯიბუტს, დეა გოგიშვილს, ვეფხვია ხუბულავას, ალექსანდრე ებრალიძეს და ირაკლი კელეპტრიშვილს.
8-წლიანებში შესანიშნავად თამაშობენ დიანა ლომაია და გუბაზ ქუხილავა, რომლებიც გათამაშების ცხრილს უდანაკარგოდ უდგანან სათავეში. გოგონებში 4-4 ქულას მოუყარეს თავი
10-წლიან ვაჟებში, ასევე, 5 ქულით ნიკოლოზ პეტრიაშვილი ლიდერობს. იგი ნახევარ-ნახევარი ქულით უსწრებს გიორგი აზნარაშვილს, კოკა ბუკიას და ცოტნე მამულაიშვილს. გოგონებში 4,5 ქულით ეკატერინე ცომაია პირველობს. მეორე ადგილზე მყოფ სალომე სანიკიძეს 4 ქულა აქვს.
12-წლიან გოგონებში 5 ქულით ნატა ჯიბუტი დაწინაურდა ერთპიროვნულად. დალი ნანეიშვილმა 4, მარიამ თვალავაძემ და მარი ჯანიაშვილმა 3,5-3,5 ქულას მოუყარეს თავი. ვაჟებში სამხელისუფლებიანობაა - საბა ამირიძე, ნიკოლოზ ცომაია და გიორგი თავზარაშვილი 4,5-4,5 ქულით პირველ-მესამე ადგილებს ინაწილებენ.
დღეს მე-6 ტურის პარტიები გაიმართება. გამარჯვებულები და პრიზიორები კი ხვალ გამოვლინდებიან.
ყოველდღიური სპორტული გაზეთი "ლელო"
