ფიდემ პირველი მარტისთვის მოჭადრაკეთა განახლებული რეიტინგები გამოაქვეყნა. 2000 წლის შემდეგ პირველად, ქალთა საუკეთესო ასეულს 2686 პუნქტით სათავეში ჩაუდგა ჩინელი მსოფლიოს ჩემპიონი ჰოუ იფანი. 15-წლიანი მოწინავეობის შემდეგ 2675 პუნქტით მეორე ადგილზე გადაინაცვლა იუდით პოლგარმა (უნგრეთი), რომელმაც აქტიური სპორტული კარიერა შარშან დაასრულა. საუკეთესო ათეულში III-X ადგილებს ინაწილებენ: ჰამფი კონერუ (ინდოეთი, 2581), ნანა ძაგნიძე (საქართველო, 2570), ცზიუ ვენძიუნი (ჩინეთი, 2557), ანა მუზიჩუკი (უკრაინა, 2552), ვიქტორია ჩმილიტე (ლიტვა, 2530), კატერინა ლაგნო (რუსეთი, 2530), ალექსანდრა კოსტენიუკი (რუსეთი, 2529), ვალენტინა გუნინა (რუსეთი, 2528).
პირველ ასეულში ქართველთაგან,
ვაჟთა ასეულში ჩვენებურთგან 47-ე ადგილზეა ბაადურ ჯობავა (2699). სათავეში კი ისევ ნორვეგიელი მაგნუს კარლსენია (2863). მომდევნო ცხრა ადგილზე არიან ფაბიანო კარუანა (იტალია, 2802), ჰიკარუ ნაკამურა (აშშ. 2798), ვესელინ ტოპალოვი (ბულგარეთი, 2798), ალექსანდრ გრიშჩუკი (რუსეთი, 2794), ვიშვანათან ანანდი (ინდოეთი, 2791), ანიშ გირი (ინდოეთი, 2790), სოუ ვესლი (აშშ, 2788), ვლადიმირ კრამნიკი (რუსეთი, 2783), ლევონ არონიანი (სომხეთი 2770).
(იბეჭდება მცირე ცვლილებით)
ყოველდღიური სპორტული გაზეთი "ლელო"
