ხუთი შედეგიანი პარტია და ერთი ყაიმი - ასე დასრულდა 26 აპრილს ბათუმში მოჭადრაკე ქალთა ფიდეს გრან პრის მესამე ეტაპის მე-6 ტური. ბელა ხოტენაშვილი თეთრი ფიგურებით ორგზის ევროპის ჩემპიონ ვალენტინა გუნინას (რუსეთი) დაუზავდა. კვლავ დამარცხდა საქართველოს ჩემპიონი ლელა ჯავახიშვილი - ამჯერად ჩინელ ჟაო სიუესთან, ნანა ძაგნიძემ ნინო ბაციაშვილს აჯობა.
ანა მუზიჩუკმა (უკრაინა) ელმირა სკრიპჩენკო (საფრანგეთი) დაჯაბნა და 4 ქულით ერთპიროვნულად დაწინაურდა.
დანარჩენი ორი პარტია ასე დასრულდა: მარია მუზიჩუკი (უკრაინა)-ოლგა გირია (რუსეთი) 1:0, ალექსანდრა კოსტენიუკი (რუსეთი)-ელინა დანიელიანი (სომხეთი) 1:0.
ექვსი ტურის შემდეგ:
დღეს მე-7 ტურში ითამაშებენ: სკრიპჩენკო-კოსტენიუკი, გუნინა-ა. მუზიჩუკი, ჟაო სიუე-ხოტენაშვილი, ბაციაშვილი-ჯავახიშვილი, გირია-ძაგნიძე, დანიელიანი-მ. მუზიჩუკი.
(იბეჭდება მცირე ცვლილებით)
ყოველდღიური სპორტული გაზეთი "ლელო"
