საქართველოს ვაჟ ძიუდოისტთა ნაკრების ყოფილი მთავარი მწვრთნელი ირაკლი უზნაძე ამიერიდან თურქეთის ნაკრებს უხელმძღვანელებს. 44 წლის უზნაძეს თურქთა გუნდის გაწვრთნაში დავით ასუმბანიც დაეხმარება.
შეგახსენებთ, რომ ირაკლი უზნაძეს ამ ქვეყნის სახელით, როგორც სპორტსმენს, 2002 წელს ევროპის ჩემპიონობა აქვს მოპოვებული, საქართველოს ნაკრებს კი ის 2013-16 წლებში წვრთნიდა. ამ თანამდებობაზე ის ირაკლი ცირეკიძემ შეცვალა.
