29 აგვისტოს, ბრაზილიაში მიმდინარე მსოფლიოს ჩემპიონატზე ავთანდილ ჭრიკიშვილმა ზედიზედ მეხუთე ორთაბრძოლა მოიგო იპონით და ფინალში გავიდა, სადაც ფრანგ ლუის პიეტრის დაუპირისპირდება.აღსანიშნავია, რომ ჭრიკიშვილს ფრანგი წელს, დიუსელდორფის "დიდ პრიზზე" ჰყავს დამარცხებული.
ევროპის წლევანდელმა ჩემპიონმა ტურნირის ნახევარფინალში რუსი ივან ნიფონტოვი დაამარცხა. მანამდე კი სუფთად ბელორუს ალექსანდრ სტიაშენკას, არგენტინელ ემანუელ ლუჩენტის, ირანელ ამირ გასემ ნეჯადს და ფრანგ ალაინ შმიტს მოუგო.
