ევროპის ჩემპიონატი ძიუდოში წლეულს აღარ ჩატარდება, მისი ალტერნატივა კი ივნისში ბაქოში გასამართავი ევროპის თამაშები იქნება - ასეთი გადაწყვეტილება მიიღო ევროპის ძიუდოს კავშირმა. შეგახსენებთ, რომ კონტინენტის პირველობისთვის აპრილში გლაზგოს უნდა ემასპინძლა, მაგრამ ბრიტანეთის ფედერაცია ევროპის კავშირს საკონტრაქტო პირობებზე ვერ შეუთანხმდა და მასპინძლობის უფლება ჩამოართვეს.
ამდენად, წლეულს პირველად გასამართავი ევროპული თამაშები ევროპის ჩემპიონატს გაუთანაბრდება, როგორც ეს ხდება აზიასა და კიდევ ზოგიერთ კონტინენტზე. მაგალითად, შარშან აზიის თამაშები გაიმართა და აზიის პირველობა არ ჩატარებულა, თუმცა სარეიტინგო ცხრილში მისი შედეგები მაინც შევიდა, როგორც იქაური ჩემპიონატისა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
