ძიუდოისტთა "დიდ პრიზს", რომელიც ხვალ, 25 მარტს იწყება თბილისში, სპორტის ახალ სასახლეში, მასპინძელ ვაჟთა ნაკრები დიდი დანაკლისით ხვდება. ბოლო მომენტში გუნდს ერთბაშად სამი ანგარიშგასაწევი ძიუდოისტი გამოაკლდა: გურამ თუშიშვილი, ალექსანდრე მსხალაძე (ორივე - 100) და ლევან მატიაშვილი (+100).ალექსანდრე მსხალაძეს დისკვალიფიკაცია აქვს, გურამ თუშიშვილმა და ლევან მატიაშვილმა კი, როგორც დღეს ფედერაციის პრეზიდენტმა, დავით ქევხიშვილმა განაცხადა, დისციპლინა დაარღვიეს და ამის გამო ნაკრებს გამოაკლდნენ. ინტერნეტში გავრცელებული ინფორმაციის თანახმად, ორივე სპორტსმენი ვარჯიშზე ნასვამ მდგომარეობაში მივიდა, რის გამოც
ინფორმაციის გადამოწმება ნაკრების მთავარ მწვრთნელ ირაკლი უზნაძესთან ვცადეთ.
"ბიჭებს არანაირი დისციპლინა არ დაურღვევიათ, უბრალოდ, მწვრთნელებმა ჩავთვალეთ, რომ ორივე სპორტსმენი ტურნირისთვის სრულ მზადყოფნაში არ არიან", - გვითხრა უზნაძემ.
![თუშიშვილი რინერთან დამარცხდა - გურამი რეპეშაჟიდანაც მოხსნეს [VIDEO]](/pictures/image7/a4ccd6611999cadf43d1c4c95c584039.png "თუშიშვილი რინერთან დამარცხდა - გურამი რეპეშაჟიდანაც მოხსნეს [VIDEO]")
![გურამ თუშიშვილი მსოფლიო ჩემპიონატის ფინალში დამარცხდა [VIDEO]](/pictures/image7/740ec085e077a1d2296c7bfb0a5e1337.jpg "გურამ თუშიშვილი მსოფლიო ჩემპიონატის ფინალში დამარცხდა [VIDEO]")
