ქართველი ძიუდოისტი ვაჟა მარგველაშვილი (66) ყაზანის ჩემპიონატის ფინალში გავიდა.მარგველაშვილმა ნახევარფინალში ბელორუსი დზმიტრი შერშანი დამატებით დროში იუკოთი დაამარცხა.
ჩვენებური ფინალში დიდი ბრიტანეთის წარმომადგენელს, კოლინ ოატესს შეხვდება.
შეგახსენებთ, რომ ქართველმა ძიუდოისტმა მეოთხედფინალში რუსეთის წარმომადგენელ ოლიმპიურ და ევროპის ჩემპიონ არსენ გალსტიანს მოუგო. ჩვენებურმა მეტოქეს ჯერ იუკო, შემდეგ კი ვაზარი აუღო.
მანამდე მარგველაშვილმა თურქი სინან სანდალი და პორტუგალიელი ანდრე სოარეში იპონით დაამარცხა.
რაც შეეხება ამირან პაპინაშვილს (60), მან რეპეშაჟში აზერბაიჯანელ ილგარ მუშკიევს მოუგო და ბრინჯაოს მედლისთვის იტალიელ ელიოს მანზის შეხვდება.
![მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]](/pictures/image7/2613e714e00dac6b35b09ec834caa542.jpg "მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]")
