ძიუდო. ევროპის ჩემპიონატი: ლიპარტელიანის ულამაზესი გდება და 1/2 ფინალი [VIDEO]

რუსეთის ქალაქ ყაზანში მიმდინარე ძიუდოისტთა ევროპის ჩემიონატის 1/4-ფინალში ულამაზესი გდება შეასრულა ვალერი ლიპარტელიანმა (-90), რომელმაც 1/4-ფინალში უკრაინის სახელით მოჭიდავე ქუეჯაუ ნჰაბალი დააიპონა.

მანამდე ლიპარტელიანმა სლოვაკ მილან რანდლსა და სლოვენიელ მიჰაელ ჟგანკს აჯობა, ფინალის საგზურისთვის კი პოლონელ პიოტრ კუჩერას შეხვდება.

შეგახსებებთ, რომ ტურნირის ნახევარფინალში ასევე აგრძელებს ბრძოლას ლევან მატიაშვილი (+100). ლევანი ასპარეზობაში მეორე წრიდან ჩაება, ჯერ სერბ ზარკო კულუმს სძლია, მეოთხედფინალში კი უკრაინელ ალექსანდრ გორდიენკოს მოუგო. მატიაშვილის მომავალი მეტოქე ფრანგი ტედი რინერი იქნება.

ამავე წონაში სწორედ გორდიენკოსთან დათმო სასტარტო ბრძოლა დათმო

ადამ ოქრუაშვილმა.

ბექა ღვინიაშვილი (-100) იტალიელ დომენიკო დე გუიდასთან სასტარტო შეხვედრის მოგების შემდეგ, 1/8-ფინალში, ჰოლანდიელ ხენკ ხროლთან დამარცხდა.

ფინალური ბლოკის პირდაპირ ტელეტრანსლაციას საზოგადოებრივი მაუწყებლის მე-2 არხი აწარმოებს. ტურნირისთვის სრულად თვალის მიდევნება კი ინტერნეტში ლაივ-სთრიმით ამ ბმულზე შეიძლება.

შეგახსენებთ, რომ ტურნირის პირველ-ორ დღეს ქართველმა ძიუდოისტებმა 5 მედალი, ერთი ოქრო, სამი ვერცხლი და ერთიც ბრინჯაო მოიპოვეს. ჩემპიონობა ვაჟა მარგველაშვილმა (-66) იზეიმა, ვიცე-ჩემპიონები ავთანდილ ჭრიკიშვილი (-81), ლაშა შავდათუაშვილი (-73) და საქართველოს სახელით მოასპარეზე ესტერ სტამი (-70) გახდნენ, ბრინჯაო კი ნუგზარ ტატალაშვილმა (-73) დაისაკუთრა.