ანკარაში დასრულდა ახალგაზრდა მოჭიდავეთა დიდი საერთაშორისო ტურნირი - "ჩემპიონები". შეჯიბრების პირველ ორ დღეს ჩვენებმა ჯამში 13 მედალი მოიპოვეს, რასაც ბოლო დღეს კიდევ სამი ბრინჯაო დაუმატეს - 1 "თავისუფლებმა" და 2 - ბერძენ-რომაელებმა.
"თავისუფალთაგან" მესამე პრიზიორი ლაშა ბიტარაშვილი (60) გახდა, ბერძენ-რომაელთაგან კი ანალოგიურ წარმატებას ფირუზ წულუკიძემ (60) და რობერტ ქობლიაშვილმა (84) მიაღწიეს.
შეგახსენებთ, რომ წინა დღეებში "თავისუფლებმა" 3 ოქრო, 2 ვერცხლი და 1 ბრინჯაო მოიპოვეს, ბერძენ-რომაელებმა - 2 ოქრო, 1 ვერცხლი და 4 ბრინჯაო.
"თავისუფალთაგან" ჩემპიონები ლაშა ტალახაძე (55), ჯუმბერ ყველაშვილი
ბერძენ-რომაელთაგან ოქროს მედლები იაკობ ქაჯაიამ (96) და ლევან არაბულმა (120) მოიპოვეს; ვერცხლი - შოთა გოგისვანიძემ (120); ბრინჯაოს მედლებს კი ბექა ბალანჩივაძე (50), რამაზ სურმანიძე (55), ლაშა გობაძე (74) და კუკური კირცხალია (96) დაეუფლნენ.
კიდევ 3 მედალი (იბეჭდება მცირე ცვლილებით)
ყოველდღიური სპორტული გაზეთი "ლელო"
