საჭიდაო სამყარომ შვებით ამოისუნთქა - ბუენოს აირესში მიმდინარე სოკ-ის 125-ე სესიის დელეგატთა უმრავლესობამ - 49 წევრმა მხარი დაუჭირა 2020-2024 წლების თამაშებში ამ უძველესი ოლიმპიური სახეობის დარჩენას. მისი კონკურენტებიდან ბეისბოლი-სოფტბოლმა 24, სქვოშმა კი 22 ხმა მიიღო.
ამდენად, ჭიდაობას უახლესი ოლიმპიადებიდან ამოღება არ ემუქრება, მაგრამ საერთაშორისო ფედერაციამ თუ რეალური რეფორმები არ გაატარა და ამ სახეობას თავდაპირველი სილამაზე არ დაუბრუნა; სამართლიანობა და ობიექტურობა უპირველეს საზრუნავად თუ არ გაიხადა, თამაშებიდან მისი ამოღების საკითხი დღის წესრიგში კვლავაც დადგება.
