აპარნობის სახალხო დღესასწაული აპარნის მთაზე განთავსებული წმიდა გიორგის სახელობის მონასტრის მიმდებარე ტერიტორიაზე ტარდება, იქ, სადაც 1625 წელს გიორგი სააკაძემ მარტყოფის ბრძოლაში სძლია სპარსთა მრავალრიცხოვან ლაშქარს."ვენახოვანი ხილიანი და ყოვლითა შემკული ჰავითა მშვენი" დიდი სოფელი იალნოს მთის ძირშია შეფენილი, რომლის ანტიკური სახელი აკრიანია (ქვიანი ადგილი) დღევანდელი სახელი კი სირიელ მამათაგან ერთერთს ანტონ მარტომყოფს (მარტყოფელს) უკავშირდება. მარტყოფი ყოველთვის გამოირჩეოდა ღირსეული ფალავნებით. აქაურები არიან ამირან ტოტიკაშვილი, ოთარ შინჯიკაშვილი, გივი კახაბრიშვილი, კობა გულიაშვილი, ზაურ ივანიშვილი, ტარიელ მელელაშვილი, ვანო ჩუბინიძე...
წლევანდელი აპარნობა მარტყოფელებმა ქართული ჭი
მარტყოფის სპორტული სკოლის მშვენიერ დარბაზში ქომაგებმა უშეღავათო ბრძოლები იხილეს. ქვემო ქართლის ადმინისტრაციამ სოლიდური ფულადი ჯილდოებიც დააწესა. ამიტომ ცნობილი და ტიტულოვანი ფალავნები არ აკლდა ასპარეზობას.
ტურნირი იმითაც იყო გამორჩეული, რომ არცერთი ორთაბრძოლა არ ყოფილა იოლად "გასავლელი" დამთავრებული ფინალური ორთაბრძოლით.
ნახევარფინალში და ფინალში მაინც ცნობილი მოჭიდავეები ვიხილეთ.
გაოცება გამოიწვია 73 კილოგრამიანი ამბაკო ავალიანის გამოსვლამ, რომელიც თავის წონაში ანგარიშგასაწევი ფალავანია, მაგრამ აბსოლუტური პირველობა მაინც გოლიათების საქმეა. ამჯერად 155 კილოგრამიანმა და 205 სმ სიმაღლის თელაველმა, 28 წლის გიგანტმა ზვიად ხანჯალიაშვილმა დაძაბულ ფინალურ ბრძოლაში მასპინძელ დავით ლორიაშვილთან გაიმარჯვა და ჯილდოდ 1000 ლარი დაიმსახურა. მესამე პრიზიორი გახდა საგარეჯოელი დიმიტრი ტურაშვილი, რომელიც კარგახანია ესპანეთშია ძიუდოს კლუბში და ქართულ ჭიდაობაში აპარნობის ტურნირით განაახლა გამოსვლა მშობლიურ სარბიელზე.
ფინალისტმა 600, ბრინჯაოს პრიზიორმა კი 400 ლარი დაიმსახურა. ყველაზე ტექნიკური მოჭიდავის ჯილდო ამბაკო ავალიანმა მოიპოვა. პრიზიორები დააჯილდოვეს ქვემო ქართლის გუბერნატორმა დავით კირკიტაძემ, გარდაბნის გამგებელმა ზვიად ეპიტაშვილმა და გარდაბნის საკრებულოს თავმჯდომარემ თემურ ფეიქრიშვილმა.
გაბრიელ ბარჯაძე
მარტყოფი
ავტორის ფოტო
სურათზე ჩემპიონ-პრიზიორები: დავით ლორიაშვილი, ზვიად ხანჯალიაშვილი, დიმიტრი ტურაშვილი
